Säämi kulttuurkuávdáš Sajos
Sämitige váldutoimâttâh já parlamentsali láá Säämi kulttuurkuávdáš Saijoosist Anarist. Sajos lii Tave-Laapi stuárráámus kongres- já tábáhtustáálu. Tileh, main láá moodeern čuákkimtekniik já tiätujotolâhohtâvuođah, heivejeh joba 430 ulmuu tábáhtussáid. Saijoos sajadâh kaskoo Sämieennâm, kaskoo maaŋgâpiälálii sämikulttuur já áinoošlajâsii luándu, addel tuođâi fijnâ raamijd maaŋgâlágánáid tábáhtussáid, tego konsertáid, čuákkimáid já priivaat tilálâšvuođáid.
Tileh já laiguuttem
Säämi kulttuurkuávdáš Saijoos tileh laiguuttuvvojeh maaŋgâlágánij čuákkimij, konferensij já tábáhtusâi várás. Koijâdâlmijd já väärridmijd puáhtá toohâđ njuolgist Saijoos nettisiijđoin. Sajos fáálá uđđâáigásijd já ollâ tääsi tiilijd áinoošlajâsii pirrâsist – ton moodeern tileh taheh máhđulâžžân hybridičuákkimijd já tulkkuumijd älkkeht, Sajos lii meid pivnohis konsertsaje, já maaŋgâtoimâsali Dollast láá lávdástâm maaŋgah Suomâ já Säämi täsniartisteh. Saijoosist puáhtá meid orniđ priivaattilálâšvuođâid, ovdâmerkkân heejâid.
Saijoosist lii meid kulttuurkuávdáá teivâdemsaje, peivimäälisraavâdviäsu já kähviviäsu Čaiju. Čaijust láá argâpeeivij fáállun maaŋgâlágánijd jieš rahtum liäibumušah, sálttáás uccâpurrâmuš sehe njaalgâ peivimäälis. Čaijust láá meid juvâstâhvyebdimvuoigâdvuođah já tot lii ávus meid tábáhtusehidij ääigi.
Uápistum rieggeeh
Suomâ sämmilij parlamenttáálun puáhtá uápásmuđ servâmáin Säämi kulttuurkuávdáš Saijoos ornim uápistum rieggeid. Lasetiäđuh uápistmijn ja väärridmist kávnojeh Saijoos nettisiijđoin.
Ohtâvuotâtiäđuh
Säämi kulttuurkuávdáš Sajos
Sajos, 99870 Aanaar
+358 (0)50 565 1346
sajos@samediggi.fi
