Sámediggi ohcá ságajođiheaddji veahkkebargi
Sámediggi almmuha ohcan láhkái ságajođiheaddji veahkkebargi doaimma.
Sámediggelága nuppástusa boađedettiin fápmui Sámedikki várreságadoallit doaibmaba barggus ollesáigásaččat. SSágajođiheaddjijovkui bálkáhuvvo nubbi veahkkebargi, gii bargá ovttasbarggus ovdal doibmii válljejuvvon ságajođiheaddji veahkkebargiin.
Ságajođiheaddji veahkkebargi barggut mearrašuvvet Sámedikki bargoortnega 7 b §:a mielde. Ságajođiheaddji veahkkebargi váldobargun lea veahkehit ságajođiheaddji ollašuhttit sutnje bargoortnegis meroštallojuvvon bargguid. Lassin ságajođiheaddji veahkkebargi válmmaštallá ja ovdanbuktá dárbbu mielde stivrra, dikki ja lávdegottiid čoahkkimiin su doaibmasuorgái gullevaš áššiid sihke ollašuhttá daid mearrádusaid ja válmmaštallá ságajođiheaddji ja hálddahushoavdda sutnje sierra meroštallan bargguid ja veahkeha dárbbu mielde várreságajođiheaddji su doaibmasuorgái gullevaš bargguiguin.
Dieđut bálvalangaskavuođas
Sámedikki bargoortnega mielde ságajođiheaddji veahkkebargi nammaduvvo bargui ságajođiheaddji doaibmabadjái. Ságajođiheaddji veahkkebargi bargu álggášii čakčamánus 2025 dahje soahpamuša mielde nu jođánit vejolaš ja bistá 30.11.2027 rádjái. Bargu boahtá leat Sámedikki almmolaš doaimmahaga vuollásaš.
Sámedikki doaibmabáiki lea Sámekulturguovddáš Sajosis Anáris, muhto barggu lea vejolaš dahkat gáiddusin.
Ohccis vuordit
Gelbbolašvuođagáibádussan lea heivvolaš allaskuvladutkkus. Lassin gáibiduvvo sámegiela máhttu (ásahus 1727/95). Barggu menestuvvi dikšun eaktuda viiddis sámekultuvrra dovdama, buori hálddahusbargguid dovdama, buori čállindáiddu ja streassagierdannávccaid, njuovžilvuođa sihke buriid organiseren- ja ovttasbargodáidduid.
Bálká
Bálká mearrašuvvá Sámedikki bálkávuogádaga gáibádusdási IV/II mielde (vuođđobálká 2998,97 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus ja vásáhuslasit, mat mearrašuvvet bargohárjánumi mielde.
Ohcan
Ohcanskovvi ja friijahápmásaš ohcanreivve ja vejolaš ánsologahallama ja eará čuvvosiid galgá máhcahit Sámedikki čállingoddái 3.9.2025 rádjai dán elektrovnnalaš ohcamušskovi bokte (rahpasa ođđa ruvttui): Ohcanskovvi
Lassedieđuid doaimmas addá hálddahushoavda Pia Ruotsala-Kangasniemi, pia.ruotsala@samediggi.fi 040 726 2688
Sámedikki doaimmaide sáhttá oahpásmuvvat neahttačujuhusas www.samediggi.fi
Anáris 20.8.2025
Sámediggi
