Ohcanskovit jagi 2027 sámediggeválggaid válgalogahallamii leat almmustahtton sámediggeválggaid neahttasiidduin
Skovit leat davvisáme-, anáraš-, nuortalaš- ja suomagillii.
Sámedikki jagi 2027 válgalogahallamii ohcama guoski rávvagiid ja skoviid gávnnat dál sámediggeválggaid neahttasiidduin čujuhusas vaalit.samediggi.fi/valggat. Skovit gávdnojit sihke elektrovnnalaš ja prentehahtti skovvin davvisámegillii, anárašgillii, nuortalašgillii ja suomagillii.
Áigemearri ohcat jagi 2027 sámediggeválggaid válgalogahallamii lea 30.9.2026. Ohcamuša galgá doaimmahit válgalávdegotti doaimmahahkii maŋimustá diibmu 23.59 mearrebeaivve.
Válgalávdegotti doaimmahat rávve gažaldagain, mat laktásit válgalogahallamii ohcamii, jus lea dárbu.
Lassedieđut:
válgalávdegotti doaimmahat
vaalit@samediggi.fi
