Sámediggeláhkaevttohusa guoski ráđđádallamiin 9 § mielde lea fidnejuvvon ráđđádallanboađus
Sámediggi ja vuoigatvuođaministeriija ráđđádalle sámediggelága evttohushápmosis sámediggelága 9 § mielde odne juovlamánu 1. beaivve 2023.
Vuoigatvuođaministeriija ja sámediggi leat ráđđádallan buori ovttasbarggus sámediggeláhkaevttohusas.
Ráđđádallanboađus lea gárvvis ovdánit áigeplána mielde jagi 2023 loahpa rádjai ráđđehusprográmma merkema vuođul. Evttohus boahtá almmolažžan dan maŋŋá, go dat addojuvvo stáhtaráđis.
– Lean duđavaš dasa, ahte mis lea ráđđádallanboađus ja sámediggelága ođastus ovdána ráđđehusprográmma merkema mielde, dadjá Sámedikki ságajođiheaddji Tuomas Aslak Juuso.
Sámediggelága evttohushápmosa ráđđádallamiidda 9 § mielde oassálaste vuoigatvuođaminister Leena Meri, stáhtačálli Teija Makkonen, ossodathoavda Johanna Suurpää ja ráđđádalli virgeolmmoš Yrsa Nyman vuoigatvuođaministeriijas ja maid ságajođiheaddji Tuomas Aslak Juuso, I várreságajođiheaddji Anni Koivisto, II várreságajođiheaddji Leo Aikio, ovddasteaddji Pirita Näkkäläjärvi ja láhkačálli Kalle Varis Sámedikkis.
Oaiveministtar Petteri Orpo ráđđehusprográmma mielde ráđđehusa evttohus sámediggelágas addojuvvo jagi 2023 loahpa rádjai kansliijahoavda Timosa doaibmagotti barggu vuođul ovttasdoaimmas Sámedikkiin.
Lassedieđut:
Tuomas Aslak Juuso
Ságajođiheaddji
040 687 3394
tuomas.juuso@samediggi.fi
