Sámediggi almmustahtii KEI 2 anárašgiela giđa bargogirjji
Skuvlen- ja oahppamateriáladoaimmahat lea almmustahttán ođđa KEI 2 anárašgiela bargogirjji. KEI 2 Kollemecci Anarâškielâ viereskiellân hárjuttâskirje kiiđân lea oaivvilduvvon vuođđoskuvlla nuppi luohká vierisgiela oahpahussii. KEI 2 Kollemecci hárjuttâskirje kiiđân sisttisdoallá hárjehusaid oahppogirjji giđđaoasi oahpahallanosiid hárjehallamii. Giđa bargogirji lea jorgaluvvon ja heivehuvvon anárašgillii davvisámegiela GEA 2 Gollemeahcci bargogirji giđđii -hárjehusgirjji vuođul.
Girjji giehtačállosa lea čállán Oona Länsman ja govaid sárgon Nora Bäck. Anárašgillii girjji lea jorgalan ja anáraš kultuvrii heivehan Minna Lampinen.
Girjjiid sáhttá diŋgot Sámedikki fierbmegávppis:
