Sámediggi nammadii ovddasteaddjiid Lappi buresveadjinguovllu sámegiela lávdegoddái válgabadjái 2025-2029

Sámediggi nammadii čoahkkimisttis Lappi buresveadjinguovllu sámegiela lávdegoddái čuovvovaš lahtuid ja sidjiide persovnnalaš várrelahtuid.

• Iiris Kangas, várrelahttu Saammâl Morottaja
• Inga Äärelä, várrelahttu Marjo Magga
• Aslak Pieski, várrelahttu Markku Porsanger
• Anne-Maria Näkkäläjärvi, várrelahttu Tuomas Aslak Juuso
• Tinja Semenoff, várrelahttu Tauno Ljetoff.

Sámedikki čoahkkin válddii vuhtii nammademiin sámiid gielalaš ja guvllolaš joavkkuid sihke Lappi buresveadjinguovllu bivdaga mielde buresveadjinguovllu 76 §:a mieldásaš válgagelbbolašvuođa ja dásseárvolága 4 a §:a.

Sámegiela lávdegotti bargun lea:

1) čielggadit, árvvoštallat ja cealkit das, man láhkai guovllustivrra mearrádusat váikkuhit gielalaš vuoigatvuođaid geavada ollašuvvamii;

2) čielggadit, árvvoštallat ja meroštallat buresveadjinguovllu vehádatgielain fállojuvvon bálvalusaid dárbbu ja čuovvut dáid bálvalusaid oažžuma ja kvalitehta;

3) čielggadusaid, árvvoštallama ja čuovvuma vuođul bargat guovlluráđđehussii evttohusaid doaibmabidjun giellavehádaga bálvalusaid ja bálvalanráidduid ovddideami várás sihke bargat evttohusaid bargoveaga gielladáidogáibádussan ja gielladáiddu ovddideami várás.

Sápmelaččat girkus -fitnu áigeguovdilis áššit diehtun čoahkkimis

Sámedikki čoahkkin gulai áššedovdin Mari Valjakka ja Erva Niittyvuopio Sápmelaččat girkus -fitnus. Sápmelaččat girkus -fitnu ollašuhttui Suoma evangelalaš-luteralaš girkus jagiid 2023-2024 áigge. Fidnu jotkojuvvui miessemánu 2025 loahpa rádjai, vai fitnu áigge válmmaštallon antologiija, loahpahansemináraid ja ávvumeassu sáhtášii ollašuhttit. Prošeavtta loahpahandilálašvuođat ordnejuvvojedje Heahtás 23.3.2025 ja Anáris 24.3.2025. Soabadeami mearka, mii ollašuhtto ávvumeassun, dollojuvvo Turku duopmokirkus 8.5.2025.

Sámedikki čoahkkin mearridii lassin Sámedikki almmolašdoarjaga bušeahttaevttohusas jahkái 2026, dárkilastii Sámedikki bálkánjuolggadusa ja čađahii sáttaságastallama lávvaráhkadeamis ja eanangeavahanfitnuid sámiid kultuvrii dagahan váikkuhusaid árvvoštallama ovddideamis.

Sámedikki čoahkkimiid beavdegirjjit almmustahttojuvvojit dokumeantabáŋkkus.

Lassidieđut:

Tuomas Aslak Juuso
Ságajođiheaddji sadjásaš
040 687 3394
tuomas.juuso@samediggi.fi

Leo Aikio
I várreságajođiheaddji
040 621 6505
leo.aikio@samediggi.fi