Sámediggi ohcá restoráŋŋabargi Restoráŋŋa Čaijui

Sámekulturguovddáš Sajosis Anáris lea restoráŋŋa Čaiju, mii lea kulturguovddáža restoráŋŋa ja Sajosa dáhpáhusaid ja čoahkkimiid restoráŋŋabálvalusaid vástideaddji buvttadeaddji. Restoráŋŋa Čaiju lea rabas árggaid ja doaibmá beaivemállásiid restoráŋŋan ja kafean, muhto restoráŋŋa Čaiju beaivválaš bargguide gullet maid čoahkkimiid ja iešguđetlágan kulturguovddáža dáhpáhusaid káfestallamiid ja borademiid ollašuhttimat. Restoráŋŋas bargaba dál fásta bargogaskavuođain vástideaddji koahkka ja restoráŋŋabargi.

Restoráŋŋabargi máŋggabealat bargguide gullet beaivemállása ja kafeabuktagiid ráhkadeapmi, čoahkkin- ja dáhpáhusguossoheamit, áššehasbálvalus ja restoráŋŋa eará almmolaš beaivválaš barggut.

Bálvalangaskavuođa dieđut

Bargu álgá soahpamuša mielde 1.1.2026 ja dat lea doaisttážii fámus.

Doaimma deavdimis čuvvojuvvo guđa mánotbaji geahččalanáigi.

Bargu lea Sámekulturguovddáš Sajosis, Anáris. Bargoáigi lea váldooasis árggaid dii. 8–16.

Ohccis vurdojuvvo

Seađusvuđot gelbbolašvuođagáibádussan lea skuvlejupmi, man doaibma eaktuda, ja dasa lassin gáibádussan lea sámegiela máhttu (ásahus 1727/95). Doaimma ceavzilis dikšun eaktuda restoráŋŋasuorggi skuvlenduogáža, bargohárjánumi vástideaddji bargguin, hygieniija- ja alkoholapássa ja maid njuovžilvuođa ja buriid áššehasbálvalandáidduid. Doarvái buorre eaŋgalasgiela máhttu gehččo ánsun.

Bálká

Bálká mearrašuvvá Sámedikki bálkávuogádaga gáibádusdási VI/II mielde (vuođđobálká ollesbargoáiggis 2192,12 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus ja ahkelasit, mat mearrašuvvet bargohárjánumi mielde.

Ohcan

Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 7.12.2025 dán elektrovnnalaš ohcamušskovi bokte (rahpasa ođđa ruvttui): Ohcamušskovvi

Lassedieđuid doaimmas addiba hálddahushoavda Pia Ruotsala-Kangasniemi, pia.ruotsala@samediggi.fi, tel. 040 726 2688 ja márkanastinhoavda Oula Guttorm, oula.guttorm@samediggi.fi, tel. 040 575 5332.

Sámedikki doibmii sáhttá oahpásmuvvat neahttačujuhusas www.samediggi.fi

Anáris 7.11.2025
Sámediggi