Sámegielaid vahkku dollojuvvo 19.–25. golggotmánu – vel gearggat fárrui!
Sámegielaid vahkku dollojuvvo dán jagi 19.–25. golggotmánu. Sámediggi lea bovden buohkaid oassálastit temávahkkui ja buktit sámegielaid ovdan iešguđet láhkai! Sámegielaid sáhttá buktit ovdan ee. ráhkademiin máidnosiid/borramušlisttáid sámegillii, dearvvahemiin sámegillii, geavahemiin sámegielat báikenamaid, dušše miellagovahus lea rádján.
Čuovo giellavahku čuovvovaš dovddaldagaiguin #giellavahkku #kielâokko #ǩiõllneäʹttel #saamenkieltenviikko
Sámedikki ordnen prográmma giellavahku áigge:
Sámi Giellagáldu almmustahttá juohke beaivve giellajuhkosiin normerejuvvon ođđa sáni Facebook-siiddustis https://www.facebook.com/SamiGiellagaldu/
Vu 19.10.
- Sámedikki ságadoalli Tuomas Aslak Juuso dearvvahus
- dmu 14.00-15.30 Sámegiela bearraša unnimusaide -ságastallanjoavku, fáddán mánnábearrašiid gielalaš vuoigatvuođat
Ma 20.10.
Ga 21.10.
Du 22.10.
Be 23.10.
Muumilaakso-ráidu dubbejuvvo sámegielaide Sámedikki álgaga vuođul, muitte geahččat:
- Anárašgielat mumenat TV2 vuossárggaid 19.10. dmu 8.25 oassi 7/7
- Nuortalašgielat mumeniid vuosttas oassi čájehuvvo TV2 kanálas vuossárgga 26.10. dmu 8.25
Luđe giellavahku materiála:
Materiála giellavahkus ávkin atnin láhkai:
- Unna sátnegirji vuosttasdeaivvadeapmái, árgabeaivái ja ávvudoaluide
- Sámegiela giellaofelaččaid videot
- Oktavuohta.com – sápmelašdiehtu oahpahussii
- Oahpistangalbbat davvisáme-, anáraš- ja nuortalašgillii sihke suomagillii
Sámediggi ollašuhttá sámegielaid vahku oktasašbarggus Norgga ja Ruoŧa Sámedikkiiguin. www.giellavahkku.no
Lassedieđut:
giellaáššiidčálli Marko Marjomaa, tel. 050 438 2484 / 010 839 3183, marko.marjomaaa(at)samediggi.fi
gielladorvočálli Anne Kirste Aikio, tel. 010 839 3124 / 040 707 5626, anne-kirste.aikio(at)samediggi.fi
