Sámediggi ohcá av-teknihkkára
Sámediggi almmuha ohcan láhkai vástideaddji av -teknihkkára fásta doaimma.
Sámekulturguovddáš Sajosa oktavuođas doaibmá bálvalanovttadat, mii vástida Sámedikki stivrra vuollásažžan earret eará kulturguovddáža márkanastimis, Sajosa restoráŋŋadoaimmas ja teknihkalaš ja logistihkalaš bálvalanbuvttadeamis, giddodaga fuolahussii gullevaš doaimmain ja maid dáhpáhusaid ordnemis. Bálvalanovttadagas leat guokte av-teknihkkára doaimma.
Av-teknihkkár bargá Sámekulturguovddáš Sajosis Anáris. Av-teknihkkára bargun lea fuolahit Sajosa ja bálvalanovttadagas eará sadjái diŋgojuvvon dilálašvuođaid teknihkalaš ollašuhttimis ee. govva, jietna ja čuovggat. Dasa lassin av-teknihkkár ovddida Sajosa av-vuogádaga, dikšu háhkamiid ja veahkeha dáhpáhusaid ordnemiidda gullevaš eará bargguin.
Bálvalangaskavuođa dieđut
Bargogaskavuohta álggášii soahpamuša mielde golggot-skábmamánus ja dat lea doaisttážii fámus. Doaimma deavdimis čuvvojuvvo guđa mánotbaji geahččalanáigi.
Bargu lea Sámekulturguovddáš Sajosis, Anáris.
Ohccis vurdojuvvo
Gelbbolašvuođagáibádussan lea heivvolaš skuvlejupmi, man doaibma eaktuda, ja sámegiela máhttu (ásahus 1727/95). Barggu ceavzilis dikšuma eaktun leat buorre teknihkalaš máhttu AV-teknihkas, vástideaddji bargguid dovdámuš, njuovžilvuohta ja maid buorit áššehasbálvalandáiddut. Doarvái buorre eaŋgalasgiela máhttu gehččo ánsun.
Balká
Bálká mearrašuvvá Sámedikki bálkávuogádaga gáibádusdási IV/IV mielde (vuođđobálká ollesbargoáiggis 2998,97 euro/mb). Vuođđobálkká lassin barggus máksojuvvojit sámeguovllus barggadettiin 24 % sámeguovllu lassi ja ahkelasit, mat mearrašuvvet bargohárjánumi mielde.
Ohcan
Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 30.9.2025 dán elektrovnnalaš ohcamušskovi bokte (rahpasa ođđa ruvttui): Ohcamušskovvi
Lassedieđuid doaimmas addá hálddahushoavda Pia Ruotsala-Kangasniemi, pia.ruotsala@samediggi.fi, tel. 040 726 2688
Sámediggái ja sámekulturguovddáš Sajosii sáhttá oahpásmuvvat neahttačujuhusain www.samediggi.fi ja www.sajos.fi
Anáris 1.9.2025
Sámediggi
