Sámediggeválggaid ođđa neahttasiiddut leat almmustuvvan
Sierra neahttasiiddut leat rahppon sámediggeválggaid várás. Neahttasiidduin gávdnojit vuođđodieđut sámediggeválggaid birra ja geavatlaš rávvagat sihke evttohasaide ja jienasteddjiide.
Ođasmahttojuvvon neahttasiidduide beassá oahpásmuvvat čujuhusas vaalit.samediggi.fi/valggat/. Beasat válgasiidduide maid Sámedikki neahttasiiddu bokte.
Ođasmahttojuvvon neahttasiidduin gávnnat ovtta sajis dieđu sámediggeválggaid birra čielgasabbot ja viidásabbot go ovdal. Siidduid dárkkuhus lea álkidahttit dieđu gávdnama ja fállat obbalaš ollisvuođa buohkaide, geat ohcet dieđu válggaid birra. Siidduin gávnnat rávvagiid earet eará
- válgalogahallamii ohcaleami birra
- evttohassan álgima birra
- ja jienasteami birra.
Dás ovddosguvlui sámediggeválggaide laktáseaddji dieđuid, rávvagiid ja skoviid gávnnat válggaid iežas siidduin.
Ohcanskovvi jagi 2027 sámediggeválggaid válgalogahallamii almmustuvvá neahttasiidduide geasi áigge dan maŋŋá, go nuppástuhtton vuoigatvuohtaministeriija ásahus sámedikki válggain čuvvojuvvon meannudeamis lea boahtán fápmui. Válgalogahallamii ohcama álgimis dieđihuvvo sierra.
Lassedieđut:
válgalávdegotti doaimmahat
vaalit@samediggi.fi
