Sámediggi ohcá mearreáigásaš restoráŋŋabargi Restoráŋŋa Čaijui
Sámekulturguovddáš Sajosis Anáris lea restoráŋŋa Čaiju, mii doaibmá kulturguovddáža restoráŋŋan ja Sajosa dáhpáhusaid ja čoahkkimiid restoráŋŋabálvalusaid vástideaddji buvttadeaddjin.
Restoráŋŋa Čaiju lea rabas árggaid ja doaibmá beaivemálisrestoráŋŋan ja kafean, muhto restoráŋŋa Čaiju beaivválaš bargguide gullet maid čoahkkimiid ja iešguđetlágan kulturguovddáža dáhpáhusaid káfestallamiid ja borademiid ollašuhttimat. Restoráŋŋas bargaba dál fásta bargogaskavuođas vástideaddji koahkka ja restoráŋŋabargi.
Mearreáigásaš restoráŋŋabargi máŋggabealat bargguide gullet beaivemállása ja kafeabuktagiid ráhkadeapmi, čoahkkin- ja dáhpáhusguossoheamit ja restoráŋŋa eará almmolaš beaivválaš barggut ja maid lágádusfuolaheaddji bargguin veahkeheapmi.
Mearreáigásaš restoráŋŋabargi doaibmá Sajosa bálvalanovttadaga bargojoavkku oassin, lávga ovttasbarggus restoráŋŋa eará bargiiguin.
Bálvalangaskavuođa dieđut
Mearreáigásaš bargu álggášii soahpamuša mielde nu jođánitgo vejolaš ja dat bistá 12 mánotbaji. Bargoáigi lea 80–100 %, dahjege 29 h–36 h 15 min/vahkku.
Bargu lea Sámekulturguovddáš Sajosa restoráŋŋa Čaijus, Anáris. Bargoáigi lea váldooasis árggaid dii. 8–16. Barggu deavdimis čuvvojuvvo njealji mánotbaji geahččalanáigi.
Ohccis vurdojuvvo
Seađusvuđot gelbbolašvuođagáibádussan lea bargui heivvolaš skuvlejupmi ja sámegiela máhttu (Sámedikki bargoortnet 71 §). Bargui válljejuvvon olbmos galgá leat hygieniijapássa, alkoholapássa gehččojuvvo ánsun. Doaimma ceavzilis dikšun eaktuda bargohárjánumi vástideaddji bargguin, eaŋgalasgiela máhtu ja njuovžilvuođa ja maid buriid áššehasbálvalandáidduid.
Bálká
Bálká mearrašuvvá Sámedikki bálkávuogádaga gáibádusdási VI/III mielde (vuođđobálká 2127,68 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.
Ohcan
Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 7.9.2026 dán elektrovnnalaš ohcamušskovi bokte (rahpasa ođđa lássii):
Lassidieđuid barggus addiba márkanastinhoavda Oula Guttorm, oula.guttorm@samediggi.fi, tel. 040 575 5332 ja vástideaddji koahkka Sari Mikkola, caiju@samediggi.fi ja tel. 040 588 4062
Sámedikki doibmii sáhttá oahpásmuvvat neahttačujuhusas www.samediggi.fi ja Sámekulturguovddáš Sajosa doibmii čujuhusas www.sajos.fi
Anáris 24.8.2026
Sámediggi
