Sámenuoraid dáiddadáhpáhus 2025
Sámenuoraid dáiddadáhpáhus čohkke Suoma sámeguovllu mánáid ja nuoraid fas Anárii Sámekulturguovddáš Sajosii miessemánu 6.-7. beaivve. Dán jagi dáiddadáhpáhusa temán leat birasdáidda ja teáhter.
Govva: Sámediggi / Tuuli Paadar.
Sámediggi lágida Sámenuoraid dáiddadáhpáhusa Anáris Sámekulturguovddáš Sajosis 6.-7.5.2025. Dán jagi temá birasdáidda movttiidahttá sámemánáid ja -nuoraid ávkin geavahit luonddumateriálaid ja árbedieđu iežaset buktosiin. Buktosat dokumenterejuvvojit videoin, ja dat čájehuvvojit dasto dáiddadáhpáhusas. Birasdáiddabuktosiid lassin dáiddadáhpáhus buktá Sajosa lávddi ala sámemánáid ja -nuoraid teáhterčájáhusaid.
Dáiddadáhpáhusa sáhttá čuovvut livesáddaga bokte gaskavahku 7.5. dmu 9.30 rájes čujuhusas www.sajos.fi/live
Lassidieđut:
Tiina Aikio
Sámenuoraid dáiddadáhpáhusa prošeaktabargi
tiina.aikio@samediggi.fi
+358 (0)44 750 00 84
