Duodji Akademiija 2027
Duodji Akademiija 2027 lea fidnu, mas lea ulbmilin seailluhit, nannet ja ovddidit duoji. Doaibmabirasin lea eanaš Eanodat (Suopma), Guovdageaidnu (Norga) ja Gárasavvon (Ruoŧŧa), muhto fitnu bohtosat leat ávkin viidábutge Sápmái ja fidnu viggá movttiidahttit maiddái eará guovlluid sámiid bajásdoallat ja ovddidit duodjeárbbiset. Fidnu čohkke oktii guovddáš duodjái laktáseaddji oassebeliid ságastallat, ovttasbargat ja hukset duoji boahtteáiggi. Prošeakta viggá nannet/loktet duoji árvvusatnima sámiid gaskkas ja olggobealeservodagas.
Váldoulbmilat ja váikkuhusat:
- Seailluhit ja nannet duoji ealli árbevierrun, mii bajásdoallá kultuvrra sirdašuvvama buolvvas nubbái ja nanne servodaga čanastagaid.
- Nanne sámekultuvrra ja kultuvrralaš identitehta go čalmmustahttá čiekŋalis oktavuođa gaskal duoji, árbevieruid, giela ja eallinvuogi.
- Ovddida duoji sosiála, ekologalaš ja ekonomalaš ceavzilvuođa:
- Sosiála: Buot servodaga lahtuid oassálastin beroškeahttá agis, sohkabealis dahje posišuvnnas.
- Ekologalaš: ovddidit ceavzilis materiálaid geavaheami, ehtalaš materiálaid háhkama ja luonddu vuhtiiváldima.
- Ekonomalaš: doarjut duoji ekonomalaš gánnáhahttivuođa ja doarjut olbmuid, geain jo lea dahje geat háliidit álggahit fitnodaga.
- Nannet sámeservodaga resilienssa ja iešmearridanvuoigatvuođa.
Konkrehtalaš ulbmilat ja doaimmat:
- Gaskkustit duodjedieđuid ja -dáidduid sohkabuolvvas nubbái.
- Dahkat doaibmaplána sámeduoji buvttadeami, vuovdima ja geavahusa guoski ehtalaš rávvagiid ráhkadeamis. Plánemii oassálastet Sámedikkit, kulturorganisašuvnnat, duojárat ja politihkkárat.
- Ráhkadit digitála oahppomateriálaid ja dahkat plána online-vuođu ráhkadeamis. Online-vuođus duojárat sáhttet ee. juohkit dieđuid, hukset fierpmádagaid ja studeret.
- Doarjut duojáriid fitnodatdoalus ja nannet ekonomalaš vejolašvuođaid fierpmádagaid huksemiin.
- Nannet duodjái laktáseaddji rájiid rasttildeaddji ovttasbarggu.
- Ordnet bargobádjesemináraid Eanodagas, Guovdageainnus ja Ruoŧa beale Gárasavvonis. Dáin bargobádjeseminárain lea ee. vejolašvuohta oahpat duojis ja ságastallat duoji boahtteáiggis.
- Sámástit skuvlejumiin.
Áigeguovdil
Lassedieđut:
Birit Tornensis
Plánejeaddji, Duodje Akademiija 2027
Duodji -kulturguovddáža hábmen lea guhkit áigge višuvdna ja fitnu duogáš jurddan, vaikko dán fitnu áigge eat dan olle vel vuođđudit.
Duodji Akademiija 2027 lea Suoma ja Norgga Sámedikkiid oktasaš prošeakta ja dat oažžu ruhtadeami EU Interreg Aurora -prográmmas. Lappi lihttu lea juolludan álbmotlaš vásttaruhtadeami. Prošeakta joatkašuvvá jagi 2027 lohppii.
