Legal terminology of administrative laws in the Northern Sámi in Finland and Norway -haahâ

Sämitigge lii finnim EU Interreg Aurora hahâruttâdem riehtioopâ terminologia oovdedmân tavesämikielân. Haavâ ulmen lii ovdediđ tavesämikielâ riävtálii haldâttâhterminologia sämmilij riehtitorvo nanodem várás. Haavâ ulmen lii lasseen visásmittiđ haldâttâhlaavâi jurgâlusâi kvaliteet já oovtnálásittiđ sämikielâ riehtiopâlii kielâ raajij rasta. Haavâst lii tárguttâs ovdediđ haaldâtlijd riehtiteermâid jurgâlmáin Taažâ já Suomâ kuávdášlijd haldâttâhlaavâid tavesämikielân. Haavâ ääigi kärttejuvvojeh meid Taažâ já Suomâ riävtálij instanssij tavesämikielâ riehtiterminologia táárbuh.

Riehtiterminologia ovdedem lii tehálâš, tastko tot oovded ei. tärkkilisvuođâ, čielgâsvuođâ, riehtisyeje, viestâdem pehtilvuođâ, laavâ nuávdittem, riävtálij vuoigâdvuođâi siäilum já riehtivuáháduv systemaatlâšvuođâ. Ibbeerdmáin já kevttimáin riehtiterminologia pehtilávt ovtâskâs ulmuuh já instituutioh pyehtih ovdediđ riehtivuáháduv čavosvuođâ já vuoigâlâšvuođâ.

Hahâäigi lii 1.5.-31.12.2024. Proojeektpargen haahân lii väljejum OTM já kielâjurgâleijee Anne Nuorgam. Haavâst västid Suomâ Sämitigge oovtâst Sämmilij iäláttâs- já tutkâmkuávdáin (Sámi ealáhus- já guorahallanguovddáš SEG).

Tavesämikielâ kevttimist riävtálijn organisaatioin Suomâst já Taažâst hástuseh

Sämitigge já Sämmilâš iäláttâs- já tutkâmkuávdáš (SEG) láá olášuttâm koijâdâllâm, mon ulmen lâi karttiđ virgeomâhái já riehtisyergi organisaatioi táárbuid tavesämikielâ kevttimân Suomâst já Taažâst. Koijâdâllâm lâi uási 1.5.-31.12.2024 olášuttum Interreg Aurora ruttâdem Legal terminology of administrative laws in the Northern Sámi in Finland and Norway -haavâst. Haavâ ulmen lii lamaš sämikielâlii riehtiterminologia ovdedem já sämikielâ sajattuv ovdedem virgeomâhâšviestâdmist.

Koijâdâllâm puátuseh čäittih, ete veikâ uásist organisaatioin kiävttoo tavesämikielâ äššikiirjijn já nettisiskáldâsâin, te jurgâlem- já tulkkumtáárbuh láá ain merhâšitteeh. Eromâš táárbuh láá haaldâtlij miärádâsâi, luámáttuvâi já tiäđáttâsmaterialij finniimist tavesämikielân. Organisaatioin láá meid aiccâm vijđáht škovlimtáárbuid sämikielâ já -kulttuur ibbeerdmân. Jurgâlemtárboid västidem váátá, ete sierâ haaldâtlâš lahâasâttem jurgâluvvoo tavesämikielân, já tot vuod váátá syergi terminologia jurgâlem tave-eennâmlii oovtâstpargoost.

Koijâdâllâm vuáđuld lii čielgâs, ete sämikielân fallum palvâlusah iä vala olášuu oovtâviärdásávt. Haahâ čáittá vijđes perustume jotkâoovdedmân já máhđulii puáttee säämi riehtiterminologiaprojektân tave-eennâmlii oovtâstpargoost.

Koijâdâllâm raapoort puáhtá luuhâđ eŋgâlâskielân taa.

Haahâ lii nuuhâm 31.12.2024.

Lasetiäđuh: 

Anne-Kirste Aikio, kielâtorvočällee
+358 (0)40 707 5626 / 010 839 3124
anne-kirste.aikio@samediggi.fi