Evttot Gollegiella-giellabálkkašumi oažžu
Evttohusat Gollegiella – davviriikkalaš sámegiela giellabálkkašumi oažžun sáhttet guđđojuvvot čakčamánu 1. beaivvi 2026 rádjái. Bálkkašupmi juolluduvvo mearkkašahtti barggus sámegielaid buorrin.
Gollegiella-gielllabálkkašupmi juhkkojuvvo 12. háve čakčat 2026. Bálkkašupmi juolluduvvo priváhtaolbmui, jovkui dehe organisašuvdnii, mii lea ovddidan sámegielaid sajádaga dehe geavahusa mearkkašahtti vuogi mielde.
Bálkkašumi leat vuođđudan Suoma, Ruoŧa ja Norgga sámi áššiin ovddasvástideaddji ministarat sihke riikkaid sámedikkiid ságadoallit. Dat lea juhkkojuvvon juohke nuppi jagi jagi 2004 rájes, ja bálkkašumi árvu lea 15 000 euro.
Giellabálkkašumi ulbmilin lea doarjut sámegiela ovddideami, ovdánahttima ja seailluheami Suomas, Ruoŧas ja Norggas.
Evttot bálkkašumi oažžu
Giellabálkkašupmi sáhttá mieđihuvvot priváhtaolbmuide, joavkkuide, servošiidda, servviide dehe institušuvnnaide, mat leat ánssolaččat ovddidan mearkkašahtti vuogi mielde sámegiela čálalaččat, njálmmálaččat dehe eará hámis. Bálkkašupmi sáhttá juhkkojuvvot maid eanet oažžuid gaskka.
Evttohusaid sáhttet dahkat priváhtaolbmot, servošat, institušuvnnat ja eiseválddit miehtá Sámi. Evttohus dahkkojuvvo čálalaččat, ja dasa laktojuvvo eanemusat guovtti siiddu guhkkosaš ákkastallan.
Evttohusat galget doaimmahuvvot maŋemusat 1.9.2026 juogo šleađgaboasttain dehe boastta mielde oahpahus- ja kulturministeriijai.
Šleađgaboastačujuhus: kirjaamo.okm@gov.fi
Boastačujuhus:
Gollegiella-árvvoštallankomitea
Kultur- ja dáiddapolitihka ossodat
Oahpahus- ja kulturministeriija
PL 29
00023 Valtioneuvosto
