Sámediggi ohcá prošeaktaplánejeaddji Sámi Handicraft Academy 2027 -prošektii

Sámi Handicraft Academy 2027 -prošeavtta váldoulbmilin lea stáđásmahttit, doalahit ja ovddidit sámi duodjedáidduid ja -máhtu sámeservošis. Prošeakta lágida bargobájiid ja semináraid árbevirolaš dieđu juohkimii buolvvaid gaskkas erenomážit Eanodagas, Guovdageainnus Norggas ja Ruoŧa bealde Gárasavvonis. Dát bargobájit ja seminárat fállet duojáriidda, servviide ja organisašuvnnaide vejolašvuođaid bargat iežaset duodjedáidduiguin, juohkit jurdagiid ja ságastallat sámeduoji boahttevuođas. Prošeavtta ulbmilin lea maiddái buoridit sápmelaččaid duodjedáidduid oažžuma digitála bargoreaidduid ja fierpmeoahppama bokte.

Prošeavttas duoji nannet gánnáhahtti ja suvdilis ekonomalaš ealáhussan dan láhkai, ahte buoridit duojáriid fitnodatdoaibmama máhtu, márkanastinstrategiijaid ja beassama márkaniidda. Dorvvastit maiddái sápmelaččaid árbedieđu dan láhkai, ahte plánet geaidnokárttá ehtalaš rávvagiid ráhkadeami várás seammásgo gudnejahttit kulturárbevieru ja eastit boastutgeavaheami. Prošeakta lea Suoma ja Norgga Sámedikkiid oktasaš prošeakta, mas Suoma Sámediggi guoddá ovddasvástádusa hálddahusas, ekonomiijas ja raporteremis.

Prošeaktaplánejeaddji bargun lea bidjat johtui Sámi Handicraft Academy 2027 -prošeavtta plána mielde, ollašuhttit plánejuvvon doaimmaid, fuolahit raporteremis, čuovvut prošeavtta ekonomiija ollašuvvama ja maid fuolahit prošeavtta hálddašeamis álggu rájes gitta lohppii.  Doaibma gáibida aktiiva vuorrováikkuhusa ja viiddes ovttasbarggu čanusjoavkogiettis ja maid buori nuppástusaid hálddašannávcca.

Bálvalangaskavuođa dieđut

Bargu álggášii soahpamuša mielde borgemánus 2025 ja bistá jagi 2027 lohppii. Doaibma gullá Sámedikki almmolaš doaimmahaga vuollái.

Sámedikki doaibmabáiki lea Sámekulturguovddáš Sajosis, Anáris, muhto lea vejolaš bargat gáiddusin.

Ohccis vuordit

Gelbbolašvuođagáibádussan lea heivvolaš skuvlejupmi, man doaibma eaktuda ja sámegiela máhttu (ásahus 1727/95). Mii vuordit hárjánumi prošeaktahálddašeamis, návccaid hálddašit prošeaktabargama plánemis operatiivvalaš ollašuhttimii, buriid ovttasbargo- ja organiserendáidduid ja maid čielga čálalaš gulahallandáiddu. Barggu ceavzilis dikšuma eaktun leat, ahte dovdá bures árbevirolaš sámeduoji, duoji, sámekultuvrra ja ealáhusaid ja návccat riikkaidgaskasaš ovttasbargui sámeguovllus.

Bálká

Bálkkámáksin mearriduvvo Sámedikki bálkávuogádaga gáibádusdási IV/III mielde (vuođđobálká ollesbargoáiggis 2931,34 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus ja ahkelasit, mat hápmašuvvet bargohárjánumi mielde.

Ohcan

Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 5.8.2025 dán elektrovnnalaš ohcamušskovi bokte (rahpasa ođđa ruvttui): Ohcamušskovvi

Sámediggi lea ožžon Sámi Handicraft Academy 2027 -prošektii Interreg Aurora ruhtadeami.

Lassedieđuid barggus addá áigodagas 14.-25.7.2025 bargiidhoavda Ida Pirttijärvi,  ida.pirttijarvi@samediggi.fi, tel. 040 660 77 22

Sámedikki doaimmaide sáhttá oahpásmuvvat neahttačujuhusas www.samediggi.fi.

Anáris 11.7.2025
Sámediggi