Sámenuoraid dáiddadáhpáhus ordnejuvvo Gáregasnjárgga skuvllas 19.5.
Jagi 2026 Sámenuoraid dáiddadáhpáhus ordnejuvvo Gáregasnjárgga skuvllas ovttasráđiid Ohcejoga gielddain. Dáhpáhus movttiidahttá mánáid beroštit iešguđet dáidda surggiin ja ovddidit iežaset dáidduid.
Govva: Ville Fofonoff
Dán jagi temán leat válljejuvvon čuovvovaš fáttát:
Lávdeovdanbuktimat
- Video: dološ dáhpáhus, guovllu muitalus
- Musihkka: musihkka jietnamáilbmin, sámemusihkka, árbevirolaš luohti
Čájáhus
- Sámeduodji: árbevirolaš sámeduodji, sámeduoji ođđa eallin
Sámenuoraid dáiddadáhpáhus ordnejuvvo juohke jagi sámeguovllus. Dat fállá sámenuoraide movttiidahtti kulturarena, gos iežas dáidduid sáhttá čájehit sámegielat gehččiide ja earáide sámenuoraide. Dáhpáhus ovddida sámegielaid geavahusa manáid ja nuoraid gaskkas ja nanne daid sajádaga árggas.
Lassedieđut:
Bigga-Helena Magga
Skuvlenčálli
040 570 2786 / 010 839 3121
bigga-helena.magga@samediggi.fi
