Kanáda eamiálbmogiid bálvalusain vástideaddji ministtar galleda Anáris ja deaivvada Sámedikki ovddasteaddjiiguin 20.-21.2.2025
Kanáda eamiálbmogiid bálvalusain vástideaddji ministtar Patty Hajdu galleda delegašuvnnain Anáris guovvamánu 20.–21. beaivve 2025.
Duorastaga guovvamánu 20. beaivve ministtar Hajdu deaivvada Sámedikki ságajođiheaddji sadjásaš Tuomas Aslak Juusoin sihke Sámedikki ovddasteaddjiiguin Sajosis. Deaivvadeapmi speadjalastá lassáneaddji riikkaidgaskasaš beroštumi Sámedikki bargui ja sápmelaččaid iešhálddašeapmái. Duorastaga iđitbeaivve ministtar Hajdu guossástallá Siiddas.
Bearjadaga guovvamánu 21. beaivve ministtar Hajdu galleda várreságajođiheaddji Leo Aikio luhtte ja oahpásmuvvá boazodollui. Dan lassin ságajođiheaddji sadjásaš Juuso oassálastá lunšša olis deaivvadeapmái, gosa ministtar lea bovden su. Deaivvadeami áigge ságastallo psykososiálalaš doarjaga birra.
Lassidieđut:
Tuomas Aslak Juuso
Vs. ságajođiheaddji
040 687 3394
tuomas.juuso@samediggi.fi
Inka Saara Arttijeff
Riikkaidgaskasaš áššiid čálli
050 574 7629 / 010 839 3198
inka-saara.arttijeff@samediggi.fi
