Ságajođiheaddji Juuso oassálasttii Arctic Arts Summitii Yukonis
Ságajođiheaddji Tuomas Aslak Juuso ja Norgga Sámedikki ráđđelahttu Maja Kristine Jåma.
Sámedikki ságajođiheaddji Tuomas Aslak Juuso oassálasttii Whitehorse gávpogis Yukonis Kanádas lágiduvvon Arctic Arts Summitii, nappo Árktalaš dáidaga allačoahkkimii geassemánu 27.-29. beaivve 2022.
Goalmmát geardde lágiduvvon dáhpáhus čohkkii árktalaš riikkaid ja sirkumpoláralaš guovllu eamiálbmogiid ovddasteaddjiid. Árktalaš dáidaga allačoahkkima dárkkuhussan lea nannet dáidaga ja kultuvrra davvin sihke ovddidit dáidaga ja kreatiivva surggiid sirkumpoláralaš oktasašbarggu. Jagi 2022 dáhpáhusa temán lea Connection to Land (oktavuohta eatnamii).
– Dáidda lea midjiide eamiálbmogiidda okta dehálaš vuohki buktit ovdan ja ságastallat áigeguovdilis áššiin. Dávjá dáidagisttámet oidno nannosit eamiálbmogiid árvomáilbmi sihke oktavuohta árbevirolaš eatnamiidda ja čáziide. Oainnán dehálažžan, ahte sirkumpoláralaš guovllu eamiálbmogiid ovddasteaddjiin leat dakkár dilálašvuođat, gos čoahkkanit dáidaga olis, gávnnaha Sámedikki ságajođiheaddji Juuso.
Dáhpáhusa áigge ságajođiheaddji Juuso oassálasttii maiddái buot golmma Sámedikki sihke Norgga ja Ruoŧa kulturráđiid (kulturrådet) sihke dáidaga ovddidanguovddáža deaivvadeapmái, gos ságastallui ee. boahttevuođa oktasašbarggus.
Loga lasi dáhpáhusas: https://arcticartssummit.ca/
Lassidieđut:
Tuomas Aslak Juuso
Ságajođiheaddji
040 687 3394
tuomas.juuso@samediggi.fi
