Sámediggeválggain jietnavuoigadahtton olmmoš, dárkkis iežat čujuhusa

Válgaáššebáhpárat sáddejuvvojit 3.6.2024 rájes jietnavuoigadahtton olbmo čujuhussii, mii lea merkejuvvon álbmotdiehtovuogádahkii. Válgaáššebáhpáriid postema várás lea dehálaš, ahte válgalávdegottis lea jietnavuoigadahtton olbmo áigeguovdilis čujuhus dahje diehtu mo gaskaboddosaš čujuhus lea fámus. Jos ásat oahpuid dahje barggu dihte nuppi báikegottis dahje olgoriikkas, lea erenoamáš dehálaš sihkkarastit rivttes čujuhusa.

Jos leat fárren jagi 2024 áigge dahje leat gieldán iežat čujuhusdieđuid luobaheami, almmut čujuhusat Sámedikki válgalávdegoddái maŋimustá 15.5. Muitte dahkat maid virggálaš čujuhusa rievdadeami. Sáhtát dárkkistit Suomi.fi -bálvalusas, ahte du čujuhusdieđut leat riekta (https://www.suomi.fi/omat-tiedot/henkilotiedot).

Lassedieđut
Sámedikki válgalávdegoddi
tel. 044 720 3106, 044 700 4150, 040 775 2443
vaalit@samediggi.fi
dahje dorvopoasttain https://secmail.com/send/m7jcWH7B