Sää'mte'ǧǧvaalin jiõnnvuõiggâdvuõttneǩ, taa'rǩest jiijjad addrõõzz

Vaaläʹššǩeeʹrj vuõltteet 3.6.2024 ääʹljeen jiõnnvuõiggâdvuõttneeʹǩǩ Lääʹddjânnam meerteâttriâžldõʹǩǩe miõrkkum addrõʹsse. Vaaläʹššǩiiʹrji pååʹštʼtem diõtt lij samai vääžnai, što vaal-luʹvddkååʹddest lij jiõnnvuõiggâdvuõttneeʹǩǩ ääiʹjtäässʼsaž addrõs leʹbe teâtt kõskkpoddsaž addrõõzz viõǥǥâståårrmõõžžâst. Jõs jälstak määttai leʹbe tuâj diõtt jeeʹres päiʹǩǩ-kååʹddest leʹbe ålggjânnmest, lij samai vääžnai taʹrǩsted, što tuʹst lij vuõigg addrõs.

Jõs leäk serddam eeʹjj 2024 poodd leʹbe leäk ǩeâlddam addrõsteâđai luõvtummuž, iʹlmmet jiijjad addrõõzz Sääʹmteeʹǧǧ vaal-luʹvddkådda 15.5. mõõneeʹst. Muuʹšt tueʹjjeed še veerǥlaž addrõsmuuttâs. Vuäitak taʹrǩsted Suomi.fi -kääzzkõõzzâst, što tuu addrõsteâđ liâ vuõiʹǧǧest (https://www.suomi.fi/omat-tiedot/henkilotiedot).

Lââʹssteâđ

Sääʹmteeʹǧǧ vaal-luʹvddkåʹdd
teʹl. 044 720 3106, 044 700 4150, 040 775 2443
vaalit@samediggi.fi
leʹbe tuõrvvpååʹštin https://secmail.com/send/m7jcWH7B