Sámediggi almmuha ohcan láhkai skuvlenčálli virggi

Bargu álggášii 1.3.2023. Skuvlenčálli doaibmabáiki lea čállingotti váldodoaibmabáikkis sámekulturguovddáš Sajosis, Anáris. Skuvlenčálli doaibmá skuvlen- ja oahppomateriáladoaimmahaga hoavdan, skuvlen- ja oahppamateriálalávdegotti áššemeannudeaddjin ja čállin. Skuvlenčálli barggut leat meroštallojuvvon Sámedikki bargoortnegis 39 §:s, bargun lea ee. vástidit ja fuolahit skuvlendoaimmahaga bargguid áššáigullevaš dikšumis, ja jođihit, plánet, ovddidit ja čuovvut skuvlendoaimmahaga doaimma.

Seađusvuđot gelbbolašvuođagáibádussan lea virggi eaktudan skuvlejupmi ja sámegiela máhttu (ásahus 1727/95). Virggi ceavzilis dikšuma veahkehit heivvolaš allaskuvladutkkus, sámiid skuvlenáššiid ja hálddahusdoaimma viiddes dovdamuš ja hárjánupmi jođiheamis ja hovdenbarggus. Vuordit maiddái čehppodaga gáibideaddji ja vásttolaš bargamii, buriid ráđđádallan- ja gulahallandáidduid ja maiddái buorre streassagierdannávcca.

Virggideavdimis čuvvojuvvo guđa mánotbaji geahččalanáigi. Bálkkámáksin mearrašuvvá Sámedikki bálkávuogádaga gáibádusdási III/II mielde (vuođđobálká 3134,17 euro/mb). Vuođđobálkká lassin máksojuvvojit 24 % sámeguovllu lassi ja ahkelasit, mat mearrašuvvet bargojagiid mielde.

Ohcanreivve ja ánsologahallama duođaštusaiguin galgá doaimmahit Sámedikki čállingoddái 1.2.2023 rádjai, čujuhusas: https://www.sympahr.net/public/pq.aspx?4e0ca63a

Lassedieđuid barggus addá hálddahushoavda Pia Ruotsala-Kangasniemi, tel. 010 839 3106 dahje pia.ruotsala(at)samediggi.fi

Sámedikki doibmii sáhttá oahpásmuvvat neahttačujuhusas www.samediggi.fi

Anáris 2.1.2023
Sámediggi