Sámediggi bivdá kommeanttaid sámegielaid geavahusas geaidnogalbbain Anára gielddas
Lappi eallinfápmoguovddáš ja Anára gielda válmmaštallet geaidnojohtolaga galbbaid oppalašplána Anára gieldda guvlui. Sámediggi lea ráhkadan anonyma Webropol-gažadeami sámegielaid geavahusas geaidnogalbbain, maid Lappi eallinfápmoguovddáš hálddaša, Anára gieldda guovllus.
Jearahallamiin čoaggit Anára gieldda sámi giellaservošiin oainnuid, vai sáhttá meroštallat:
- Mii sámegiella geavahuvvo gieldda iešguđet guovlluin dain galbbain, main sáhttá geavahit dušše ovtta sámegiela.
- Sámegiela ortnet dain geaidnogalbbain, main sáhttá geavahit eanetgo ovtta sámegiela.
Sámedikki Sámi giellaráđđi dárkkista galbbaid sámegiel teavsttaid ja addá rávvagiid, mii/mat sámegiella/sámegielat geavahuvvojit gieldda iešguđet guovlluin ja man ortnegis gielat ovdanbuktojuvvojit, jos galbbas sáhttá geavahit eanetgo ovtta sámegiela.
Geaidnodoaimmahaga rávvagiid mielde sámiid ruovttuguovllus geaidnogalbbain geavahuvvojit suomagiela lassin sámegielat, ja sámegiella, mii geavahuvvo, válljejuvvo dan mielde gos galba lea. Dili mielde báikenammagalbbain sáhttá Anára gielddas geavahit eanetgo ovtta sámegiela, jos ollašuhttin lea teknihkalaččat vejolaš ja johtolatdorvvolašvuođa dáfus čielggas.
Buot galbbain máŋgga giela geavahus ii goittotge leat vejolaš, dieđihangalbbain ja maid dádjadan- ja mátkegaskagalbbain sáhttá teknihkalaš gáibádusaid ja johtolatdorvvolašvuođa dihte geavahit suomagiela lassin dušše ovtta sámegiela. Máŋgga giela geavahus šaddada galbba sturrodaga, daningo ovdamearkka dihte bustávaid sturrodat lea meroštallojuvvon iige dan sáhte unnidit giellameari mielde.
➡️ Vástit gažadeapmái dás: https://link.webropolsurveys.com/S/F6C6926BEB4C5530
🗓️ Gažadeapmi nohká 6.5.2026.
Lassidieđut:
Marko Marjomaa
Spesiálaáššedovdi, sámi giellaáššit
marko.marjomaa(at)samediggi.fi
+358 50 438 2484
