Sámediggi doarjala eana- ja meahccedoalloministarii boazojámuid ovddalgihtii eastadeami ja boazovahátlága mieldásaš meannudeami álggaheami geažil
Sámediggi olggos attii 28.2.2022 rabas reivve eana- ja meahccedoalloministtar Jari Leppäi. Sámediggi doarjala reivves ministtar Leppäi boazojámuid ovddalgihtii eastadeami ja maiddái boazovahátlága mieldásaš meannudeami álggaheami geažil dán dálvvi oasil. Sámediggi bovde ministtar Leppä oahpásmit dálá dillái, mii lea sámiid ruovttuguovllu bálgosiin.
– Mii bovdet ministtar Leppä, ja maiddái ášši eará válmmaštalliid ja das mearrideaddjiid oahpásmit dillái, mii lea sámiid ruovttuguovllu bálgosiin. Háliidit čájehit, ahte heahti lea stuoris ja veahkki vealtameahttun, gávnnaha ságajođiheaddji Tuomas Aslak Juuso.
Sámediggi lea ráđđádallan áššis eana- ja meahccedoalloministeriijain 18.2.2022. Ministeriija ii dalle oaidnán dárbbu álggahit boazovahátlága mieldásaš meannudeami, dasgo ministeriija ovddasteaddjiid mielas dálvvi dili ii sáhte geahččat leat spiehkkaseaddji, danin go arvemearit leat leamaš unnánaččat. Maiddái ovddalgihtii eastadeaddji doaibmabijut boazojámuid eastadeami geažil eai ministeriijas leat válmmaštallama vuolde.
– Lea problemáhtalaš, ahte ministeriija lea dahkan dušše arvemeriid vuođul mearrádusa, mii váikkuha stuorrát sámiid boazodollui, gávnnaha 2. várreságajođiheaddji Leo Aikio.
-Vaikke muohtamearri ruovttuguovllu máŋggain bálgosiin lea leamaš dán dálvve govttolaš, muohta lea jikŋon ja cuoŋudan, man dihtii bohccuin lea máŋggain báikkiin veadjemeahttun guohtut. Dat dárkkuha, ahte bohccot vulget muoseheamet johtui buoret guohtoneatnamiidda ja daid gártá dasto ohcat ja viežžat. Lassin muhtin bálgosiin lea guohpa bilidan viiddes guovlluin bohcco geavahan biepmu. Buot dáid áššiid galggašii váldit vuhtii ministeriijas boazovahátlága heiveheamis mearridettiin, joatká Aikio.
- Rabas reive eana- ja meahccedoalloministtar Jari Leppäi boazojámuid ovddalgihtii eastadeami geažil sihke boazovahátlága mieldásaš meannudeami álggaheamis dán dálvvi oasil (28.2.2022)
- Sámedikki evttohus eana- ja meahccedoalloministeriijai boazojámuid ovddalgihtii eastadeaddji doaibmabijuid álggaheami geažil (18.11.2021)
- Láhka boazodoalu deaividan vahágiid buhttemis
- Stáhtaráđi ásahus boazodoalu deaividan vahágiid buhttemis
Lassidieđut:
Tuomas Aslak Juuso
Ságajođiheaddji
040 687 3394
tuomas.juuso@samediggi.fi
Leo Aikio
II várreságajođiheaddji
040 621 6505
leo.aikio@samediggi.fi
