Stáhtaráđđi lea mearridan sámedikki lahtuid ja várrelahtuid doaibmaseaset – Sámediggi beassá válmmaštallagoahtit ortniiduvvančoahkkima

Stáhtaráđđi lea oppalaš čoahkkimis duorastaga 22.8. mearridan ođđasit ordnejuvvon sámediggeválggain válljejuvvon lahtuid ja várrelahtuid doaibmaseaset Sámedikki doaibmabadjái 1.9.2024–31.12.2027.

Stáhtaráđi nannema mielde Sámediggi beassá dál válmmaštallagoahtit ortniiduvvančoahkkima. Sámedikki čoahkkima sáhttá bovdet čoahkkái easkka dan maŋŋel, go stáhtaráđđi lea ásahan dan doibmii.

Sámedikki bargoortnega 55 § mielde ođđa sámedikki vuosttaš čoahkkima bovde čoahkkái sámedikki lahttu, guhte lea guhkimus áiggi doaibman Sámedikki lahttun. Son doaibmá maiddái čoahkkima sátnejođiheaddjin dassážii, go sámediggái lea válljejuvvon ođđa sátnejođiheaddji. Dán baji čoahkkima bovde čoahkkái jurista Anne Nuorgam.

Lassedieđut:
Pirita Näkkäläjärvi
Ságadoalli
044 753 3766
pirita.nakkalajarvi@samediggi.fi