Sámediggi ohcá árrabajásgeassináššiid spesiálaáššedovdi
Sámediggi almmuha ohcanláhkai árrabajásgeassináššiid spesiálaáššedovdi virggi.
Spesiálaáššedovdi doaibmá sámi árrabajásgeassima áššedovdin oassin Sámedikki sámeoahpahusa áššedovdibarggu. Árrabajásgeassináššiid spesiálaáššedovdi bargun lea válmmaštallat sámi árrabajásgeassima guoski áššiid, erenomážit su vástusuorgin lea sámi árrabajásgeassinbálvalusaid sihkkarastimii ja ovddideapmái gullevaš áššit. Dasa lassin spesiálaáššedovdi čuovvu ja ovddida sámi árrabajásgeassima sajádaga ja ollašuvvama, dikšu árrabajásgeassin- ja giellabeassedoaimma sihkkarastimii mieđihuvvon mearreruđaid hálddašeapmái, juohkimii ja gohcimii gullevaš stáhtadoarjjaeiseválddi bargguid, ja doaibmá áššemeannudeaddjin árrabajásgeassináššiin iešguđet Sámedikki doaibmaorgánain.
Árrabajásgeassináššiid spesiálaáššedovdi doaibmá nana ovttasbarggus sámi árrabajásgeassima pedagogihka spesiálaáššedovdiin.
Bálvalangaskavuođa dieđut
Doaibma álgá soahpamuša mielde nu jođánit go vejolaš. Doaimma deavdimis čuvvojuvvo guđa mánotbaji geahččalanáigi.
Árrabajásgeassináššiid spesiálaáššedovdi doaibma gullá Sámedikki skuvlendoaimmahaga vuollái.
Sámedikki doaibmabáiki lea Sámekulturguovddáš Sajosis, Anáris, muhto lea vejolaš bargat oasi áiggis gáiddusin.
Ohccis vurdojuvvo
Seađusvuđot gelbbolašvuođagáibádussan lea skuvlejupmi, man doaibma eaktuda, ja dasa lassin gáibádussan lea sámegiela máhttu (ásahus 1727/95).
Virggi ceavzilis dikšun eaktuda heivvolaš allaskuvladutkosa, buori dovdamuša sámi árrabajásgeassima ja dan guoski láhkaásaheami birra, buori máhtu hálddahusa áššedovdibargguin dego doaibmaorgánaid mearrádusbargama válmmaštallamis, nana máhtu stáhtadoarjagiid hálddašeamis ja čuovvumis.
Dasa lassin adnojuvvo árvvus nákca iehčanas, vásttolaš ja oppalašvuođaid hálddašeaddji bargamii, buorit ovttasbargo-, gulahallan- ja ráđđádallandáiddut ja maid čielga čálalaš gulahallandáidu.
Bálká
Bálká mearrašuvvá Sámedikki bálkávuogádaga gáibádusdási IV/II mielde (vuođđobálká 2998,97 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.
Ohcan
Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid (čálalaš duođaštusat giellamáhtus ja dutkosiin) galgá doaimmahit Sámedikki čállingoddái maŋimustá 20.5.2026 dán elektrovnnalaš ohcamušskovi bokte (rahpasa ođđa lássii):
Lassedieđuid doaimmas addá hálddahushoavda Pia Ruotsala-Kangasniemi, pia.ruotsala@samediggi.fi, tel. 040 726 2688 ja skuvlenáššiid spesiálaáššedovdi Bigga-Helena Magga, bigga-helena.magga@samediggi.fi, tel. 040 570 2786
Sámedikki doibmii sáhttá oahpásmuvvat neahttačujuhusas www.samediggi.fi
Anáris 20.4.2026
Sámediggi
