Sámediggi ohcá mearreáigásaš oahppamateriála prošeaktabargi sámegielat áppesa buvttadeapmái

Prošeaktabargi barggut laktásit sámegielat áppesa buvttadeapmái vuođđoskuvlla álgooahpahussii. Prošeaktabargi vástida áppesa giehtačállimis ovttas anárašgielat oahppamateriálabargiin. Prošeaktabargi bargguide gullá maiddái govvaplána ráhkadeapmi, oahppamateriála pedagogalaš plánen ja ollašuhttin, ja maiddái fuolahit dan plánemis, ahte oahppamateriálas lea muitalus ja dat vuhtiiváldá sámekultuvrra, ovttas oahppamateriála bargojoavkkuin.

Prošeaktabargi doaibmá lávga ovttasbarggus oahppamateriálaplánejeaddjiiguin.

Bálvalangaskavuođa dieđut

Mearreáigásaš bargu álggášii soahpamuša mielde čakčamánus 2026. Mearreáigásaš bálvalangaskavuođa guhkkodat lea njeallje mánotbaji, vejolaš joatkimis sohppojuvvo sierra. Sámegielat áppesa buvttadeapmi joatkašuvvá jagis 2027.

Oahppamateriáladoaimmahaga doaibmabáiki lea Sámekulturguovddáš Sajosis, Anáris, muhto barggu lea vejolaš bargat gáiddusin.

Ohccis vurdojuvvo

Seađusvuđot gelbbolašvuođagáibádussan lea skuvlejupmi, man bargu eaktuda, ja sámegiela máhttu (Sámedikki bargoortnet 71 §). Álgooahpahusa materiála buvttadeapmái mii ohcat davvisámegielat bargi. Barggu ceavzilis dikšuma veahkeha doaimma oahppamateriála ja oahpahanávdnasa dovdámuš, bargohárjánupmi oahppamateriálabarggus, hárjánupmi álgooahpahusas ja lohkan- ja čállindáiddu oahpaheamis, buorre sámekultuvrra dovdámuš, fuolalašvuohta ja buorit vuorrováikkuhusdáiddut.

Bálká

Bálká mearrašuvvá Sámedikki bálkávuogádaga gáibádusdási V/I mielde (vuođđobálká 2762,37 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.

Ohcan

Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 17.6.2026 dán elektrovnnalaš ohcamušskovi bokte (rahpasa ođđa lássii):

• Ohcamušskovvi

Lassidieđuid barggus addiba vs. oahppamateriálačálli Katja Semenoff, katja.semenoff@samediggi.fi ja oahppamateriálaplánejeaddji Marita Aikio, marita.aikio@samediggi.fi.

Sámedikki doibmii sáhttá oahpásmuvvat čujuhusas www.samediggi.fi ja oahppamateriálaid neahttagávpái čujuhusas www.samediggi.fi/oppimateriaalikauppa/

Anáris 3.6.2026
Sámediggi