Iäláttâs- já vuoigâdvuođâlävdikodde
Iäláttâs- já vuoigâdvuotâlävdikodde kieđâvuš sämmilij vuoigâdvuođâid, iäláttâsâid já kulttuuräärbi sehe sämmilij päikkikuávlu pirrâsân já eennâmkevttimân kyeskee aašijd. Lävdikodde valmâštâl táid fáádáid kyeskee Sämitige iävtuttâsâid, alguid, ciälkkámušâid sehe eres uáivilijd. Lävdikodde tuáimá Sämitige stiivrâ vuálásâžžân.
Lävdikoodán toimâpaajeest 2024–2027 kuleh jesâneh já värijesâneh:
Jesâneh
Nilla Tapiola, saavâjođetteijee
Veikko Feodoroff, värisaavâjođetteijee
Kirsti Saijets
Marjaana Aikio
Kari Kyrö
Armi Palonoja
Nils-Johan Labba
Värijesâneh
Anni-Sofia Niittyvuopio
Heidi Hänninen
Marko Katajamaa
Jan Saijets
Kaisu Nikula
Nilla Hirvasvuopio
Juhán-Tuommá Magga
Pargoid kuleh:
- Valmâštâllâđ valjâpajan sämmilij vuoigâdvuotâ-, iäláttâs-, kulttuurärbi- já pirâspoolitlii ohjelm njunošulmijguin. Ohjelmist miäruštâllojeh lävdikode toimâsyergi tehálumoseh ulmeh já tooimah valjâpajan já tot tuárju Sämitige valjâpaje toimâohjelm olášuttem;
- valmâštâllâđ iävtuttâsâid, alguid, ciälkkámušâid já eres uáivilijd, moh kyeskih sämmilij riehtisajattâhân, iäláttâssáid, materiaallii kulttuuráárbán já immateriaallii kulttuuráárbán sehe sämmilij päikkikuávlu pirrâsân já eennâmkevttimân;
- porgâđ oovtâstpargo čonâsjuávhuiguin já virgeomâháiguin;
- ovdediđ sämmilij riehtisajattâhân lohtâseijee tave-eennâmlii sämmilâšoovtâstpargo;
- ovdediđ sämmilij riehtisajattâhân lohtâseijee, iäláttâs-, materiaallii kulttuurärbi- já pirâsaššijd kyeskee tutkâmuštooimâ sehe
- hoittáđ eres pargoid, moh kuleh ton toimâsuárgán.
Iäláttâs- já vuoigâdvuotâlävdikode oovdânpyehten tuáimih Sämitige lahâčällee, iäláttâs- já pirâslahâčällee, pirâsčällee sehe iäláttâsčällee.
