Almmut oahppi sámegielaid gáiddusoahpahussii lohkanjahkái 2025–2026!
Almmuheapmi Sámegielaid gáiddusoahpahusa pilohttaprošeavtta lohkanjagi 2025–2026 oahpahussii lea rabas 1.-31.3.2025. Almmuheapmi guoská sihke ođđa ohppiid ahte daid ohppiid, geat jotket prošeavtta oahpahusas. Almmut oahppi Hellewi-almmuhanvuogádagas.
Mii oahpahusaid ja geasa?
Gáiddusoahpahusprošeakta fállá sámegiela (anárašgiela, nuortalašgiela dahje davvisámegiela) vuođđooahpahusa dahje logahatskuvlejumi dievasmahtti sámegiela oahpahusa 2 diimmu vahkus. Maiddái ovdaoahpahusa oahppit sáhttet oassálastit prošeavtta oahpahussii. Oahpahus lea dárkkuhuvvon sámeohppiide, geat orrot sámiid ruovttuguovllu gielddaid olggobealde ja geaid bearraša dahje soga giella lea sámegiella (anárašgiella, nuortalašgiella dahje davvisámegiella). Sámegiela ii dárbbaš máhttit ovddežis, vai sáhttá oassálastit oahpahussii. Prošeakta ii fála oahpahusa rávesolbmuide.
Gii sáhttá almmuhit?
Almmuheami sáhttá dahkat oahpahusa ordnejeaddji, rektor dahje fuolaheaddji. Go fuolaheaddji almmuha oahppi oahpahussii, de mii sávvat fuolaheaddji váldit oktavuođa oahppi skuvlii. Mii sávvat fuolaheaddji muitalit, ahte oahppi háliida ja sus lea maid vejolašvuohta oassálastit sámegiela gáiddusoahpahussii.
Almmuheami maŋŋel?
Almmuheaddji oažžu nannehusa iežas rávdnjepostii. Oahpahussii oassálastimis šiehtadallat oahppi ruovttugielddain almmuhanáiggi maŋŋel. Dán maŋŋel ráhkadišgoahtit oahpahusjoavkkuid ja sámegiela oahpahusa lohkanortnegiid ovttasbarggus skuvllaiguin. Oahpahusjoavkkut juhkkojuvvojit juohke sámegielaid mielde nu, ahte dat váldet vuhtii ohppiid agi, giellamáhtu ja skuvlafievrridemiid nu bures go vejolaš. Oahpahus ordnejuvvo gielain ja joavkkuin, main leat unnimustá guokte oahppi dahje studeantta.
Fuomáš, ahte muhtin gávpogat (ee. Oulu ja Roavvenjárga) lágidit davvisámegiela oahpahusa maiddái lagašoahpahussan. Juos dus lea miella searvat oahpahussii, de váldde oktavuođa iežat skuvlla rektorii dahje gávpoga skuvlavirgedoaimmahahkii!
Sámegielaid lohkanjahkeskuvlejumiid ja iešguđet dási oanehisskuvlejumiid ordne Sámi oahpahusguovddáš, mii fállá áidna ámmátlaš oahppolágádussan sámegielaid ja sámi kultuvrra oahpu Suomas. Oahpásnuva oahppolágádusa oahppofálaldahkii! Maiddái rávesolbmuidskuvllat leat ordnegoahttán sámegielaid kurssaid eanet go ovddežis.
Boahttevaš dilálašvuođat sidjiide, geat leat beroštuvvan sámegielaid gáiddusoahpahusas
Infodilálašvuohta gáiddusoahpahusas beroštuvvan vánhemiidda
Duorastaga 13.3.2025 dii 18.00–18:30
Oassálastinliŋka: https://tinyurl.com/etasaameinfo
Logahateahket logahatoahppiide ja sin fuolaheddjiide
Gaskavahko 19.3.2025 dii 18.00–19.00
Oassálastinliŋka: https://tinyurl.com/lukioilta
Bures boahtin mielde sámegielaid gáiddusoahpahussii!
Lassedieđut:
Hanna Helander, prošeaktahoavda
Ohcejoga gielda
hanna.helander@edu.utsjoki.fi
040 701 2094
Anne Olli, prošeaktakoordináhtor
Sámediggi
anne.olli@samediggi.fi
040 687 5989
