Iʹlmmet škooulneeʹǩǩ sääʹmǩiõli ougglõsmättʼtõʹsse lookkâmekka 2025–2026!
Iʹlmmtõõttmõš sääʹmǩiõli ougglõsõhttvuõđid äuʹǩǩeei mättʼtõõzz pilotthaʹŋǩǩõõzz mättʼtõʹsse lookkâmeeǥǥas 2025–2026 lij äävai 1.-31.3.2025. Iʹlmmtõõttmõš kuâskk nuʹt ođđ ǥu haʹŋǩǩõõzz mättʼtõõzzâst jueʹtǩǩi mättʼtõõđjid/škooulniiʹǩǩid. Iʹlmmet škooulneǩ mättʼtõʹsse Hellewi-iʹlmmtõõttâmriâžldõõǥǥâst.
Mii mättʼtõs da ǩeäzz?
Ougglõsmättʼtõshaʹŋǩǩõs taʹrjjad sää′mǩiõl (aanar-, nuõrtt- leʹbe tâʹvvsääʹmǩiõl) vuâđđmättʼtõõzz leʹbe lookkjiškooulmättʼtõõzz tiuddeei sää′mǩiõl mättʼtõõzz 2 nč. Vuõssmättʼtõõzz škooulneeʹǩǩ vueiʹtte še vuässõõttâd haʹŋǩǩõõzz mättʼtõʹsse. Mättʼtõs lij jurddum sääʹmškooulniiʹǩǩid da mättʼtõõđjid, kook jälste sääʹm dommvuuʹd kooʹddi åålǥbeäʹlnn da ǩeäi piârri leʹbe sooǥǥ ǩiõll lij kååʹtt-ne Lääʹddjânnmest mainstum sääʹmǩiõlin (aanarsääʹmm, nuõrttsääʹmm leʹbe tâʹvvsääʹmm). Sääʹmǩiõl ij taarbaš ääiʹjben siltteed mättʼtõʹsse vuässõõttâm diõtt. Haʹŋǩǩõs ij taʹrjjed mättʼtõõzz rääʹvesoummuid.
Ǩii vuäitt iʹlmmted?
Iʹlmmtõõttmõõžž vuäitt tueʹjjeed mättʼtõõzz jäʹrjsteei, rehtor leʹbe huõlteei. Ǥu iʹlmmtõõttmõõžž tueʹjjad huõlteei, tuäivvap huõlteei leeʹd õhttvuõđâst škooulneeʹǩǩ škoouʹle, da peäggtem škooulneeʹǩǩ haalâst da vueiʹtlvažvuõđâst vuässõõttâd sääʹmǩiõl ougglõsõhttvuõđid äuʹǩǩeei mättʼtõʹsse.
Iʹlmmtõõttmõõžž mâŋŋa?
Iʹlmmteei vuäǯǯ raaveemsaaǥǥ neʹttpååšta. Mättʼtõʹsse vuässõõttmõõžžâst suåvât škooulneeʹǩǩ dommkooʹddin iʹlmmtõõtâmääiʹj puuʹđeen. Tän mâŋŋa älgg mättʼteemjoouki da sääʹm mättʼtõõzz lookkâmjiârǥ raajjmõš õhttsažtuâjast škooulivuiʹm. Mättʼtõsjooukid raajât juõʹǩǩ sääʹmǩiõʹlle jeäʹrben mättʼtõõđji ââʹǩǩ- da ǩiõlltääʹzz, lookkâmjiârǥ di škoouljååʹttem-maaʹtǩid vueiʹtlva puârast lokku vääʹldeeʹl. Mättʼtõs riâžžât ǩiõlin da jooukin, koin liâ uuʹccmõsân kuõʹhtt škooulneeʹǩǩ leʹbe mättʼtõõtti.
Vääʹld lokku, što måtam gåårad (ouddm. Heʹlssen, Oulu da Ruäʹvnjargg, reäʹšše tâʹvvsääʹmǩiõl mättʼtõõzz še âʹlddmättõssân. Haaʹleen mättʼtõʹsse, vääʹld õhttvuõđ jiijjad škooul rehtooʹre leʹbe gåårad škooulkonttra!
Sääʹmǩiõli lookkâmeeʹjjškooultõõzzid da jeeʹrestäässʼsaž vuäʹniǩškooultõõzzid reäšš Sääʹmvuuʹd škooultemkõõskõs, kååʹtt taʹrjjad tåʹlǩ ämmteʹld mättstroiʹttlen sääʹmǩiõli ja kulttuur škooultõõzz Lääʹddjânnmest. Tobdstõõđ mättstroiʹttel škooultõstaʹrjjummša! Lââʹssen meerlažškooul lie õinn jäänab jäʹrjsteškuättam sääʹmǩiõli kuursid.
Pueʹtti infopoodd sääʹmǩiõli ougglõsmättʼtõõzzâst
Infopodd puärrsid ougglõsmättʼtõõzzâst
Nelljdpeeiʹv 13.3.2025 čiâss 18.00–18.30
Õhttnemliŋkk: https://tinyurl.com/etasaameinfo
Lookkjiškooulniiʹǩǩi jeäʹǩǩääž mättʼtõõttjid da sij huõlteeʹjid
Seärad 19.3.2025 čiâss 18.00–19.00
Õhttnemliŋkk: https://tinyurl.com/lukioilta
Pueʹtted tiõrvân mieʹldd sääʹmǩiõli ougglõsmättʼtõʹsse!
Lââʹssteâđ:
Hanna Helander, haʹŋǩǩõsjååʹđteei
Uccjooǥǥ kåʹdd
hanna.helander@edu.utsjoki.fi
040 701 2094
Anne Olli, haʹŋǩǩõskoordinaattor
Sääʹmteʹǧǧ
anne.olli@samediggi.fi
040 687 5989
