Cloubi-digimateriálavuođu rabas geavaheaddjiskuvlejupmi geassemánus
Sámediggi ja Árktalaš pedagogihkka II -prošeakta ordneba skuvlejumi Cloubi-digimateriálavuođu geavaheapmái geassemánu áigge. Skuvlejupmi lea rabas buohkaide geat leat beroštuvvan digimaterialaid ráhkadeamis ja leat badjel 15 jahkásaččat.
Cloubi lea dáláš oahppomateriálavuođđu, man geavahit earet eará oahppomateriálabuvttadeaddjit. Sámegielat oahpahusa várás Cloubii lea buvttaduvvon ovdamearkan historjjá ja servodatmáhttu Forum-materiála ja anárašgielagiid eatnigiela Virkkuvääri-ráidu. Rabas digimateriálaide sáhttá oahpásmuvvat dás Rabas digimateriálat.
Skuvlejumiin geahčastit boahttevuhtii
Skuvlejupmi lea buorre vejolašvuohta oahpásmuvvat digimateriálaid buvttadeapmái ja oažžut vásihusaid digimateriálaid ráhkadeamis.
– Skuvlejupmi addá vejolašvuođa geahččalit mo digimateriálaid ráhkadeapmi orru ja livččego das nuoraide ávki boahttevuođas. Mii háliidit fállat skuvlejumi bokte maiddái miellagiddevaš dahkamuša geassái. Oassálastit sáhttet geahččalit vuođu vejolašvuođaid ja rahkadit iežaset materiálaid vaikko olles geasi, dadjá Sámedikki oahppomateriálačálli Petra Kuuva.
Skuvlejupmi rahpá vejolašvuođaid sámegielat oahppomateriálabargui
Sámedikki skuvlen- ja oahppomateriáladoaimmahat buvttada eanet ja eanet digitála oahppomateriálaid. Sámediggi sávvá, ahte sámegielat oahppomateriálabargui gávdnojit lasi dahkkit. Digitála máhttu lassin oahppomateriálabuvttadeapmi dárbbaša earet eará govuheddjiid ja teakstalohkiid.
Skuvlejupmái oassálastin ja Cloubi geavaheapmi lihkostuvvá dábálaš dihtoriin ja buriin interneahttaoktavuođain. Cloubi-biras doaibmá neahttaloganis nu, ahte dan ii dárbbaš luđet iežas dihtorii. Dábálaš boallobevddiin ja sáhpánin birge bures.
Skuvlejupmi lea suomagillii Google Hangouts-heivehusa bokte:
- Skuvlejupmi 1: 14.6.2021 dmu 14:00-16:00
- Skuvlejupmi 2: 21.6.2021 dmu 14:00-16:00
- Skuvlejupmi 3: 28.6.2021 dmu 14:00-16:00
- Ovdanbuktimat: 9.8.2021 dmu 14:00-16:00
Maŋimuš čoahkkaneami maŋŋá materiálat almmuhuvvojit rabas digimateriálan Cloubis materiáladahkki addán lobiin.
Almmut skuvlejupmái 10.6.2021 rádjai Webropol-skoviin: https://link.webropolsurveys.com/S/DDD1F784299E0043
Lassedieđut:
Petra Kuuva
Oahppomateriálačálli
040 677 22 75
petra.kuuva@samediggi.fi
Sámediggi
Unni Länsman
Prošeaktajođiheaddji, Árktalaš pedagogihkka II -prošeakta
050 502 1357
unni.lansman@sogsakk.fi
Sámi oahpahusguovddáš
Liŋkkat:
Sámedikki skuvlen- ja oahppomateriáladoaimmahat
Skuvlen ja oahppamateriálat – Sámediggi
Árktalaš pedagogihkka II, sámeoahpahusa digifierpmádat -prošeakta
www.sogsakk.fi/arktistapedagogiikkaa2
