Duodji Akademiija 2027 -fidnu ordne bargobádjeseminára Heahtá skuvllas
Duodji Akademiija 2027 -fidnu ordne bargobádjeseminára Heahtá skuvllas 6.6.2026. Fáddan lea duodjeárbevieru seailluheapmi.
Semináras ságastallat duodjeárbevieru dilis Eanodagas (Suopma), Gárasavvonis (Ruoŧŧa) ja Guovdageainnus (Norga) ja ságastallat das, mot duodjeárbevieru sáhtašii nannet dáin guovlluin.
Ulbmilin lea čohkket oktii duojáriid, duodjeberošteaddjiid, nuoraid ja duodjeorganisašuvnnaid oahpásmuvvat ja ságastallat duoji boahtteáiggis. Beaivvi loahpas ordnet duodjebargobáji.
Semináras lea dulkon davvisámegillii, suomagillii ja skandinávalaš gillii (“sworsk”).
Seminára dárkilut prográmma almmustahttojuvvo maŋŋel.
Seminárii lea ovddalgihtii almmuheapmi ja sáhtát dál jo almmuhit iežat. Sáddes dieđu čujuhussii birit.tornensis@samediggi.fi dahje sádde dieđu dahje riŋge nummárii +35840 545 7740.
Lassedieđut:
Birit Tornensis
Plánejeaddji, Duodje Akademiija 2027
birit.tornensis@samediggi.fi
+358 40 545 7740
Duodji Akademiija 2027
Duodji Akademiija 2027 lea fidnu, mas lea ulbmilin seailluhit, nannet ja ovddidit duoji. Doaibmabirasin lea eanaš Eanodat (Suopma), Guovdageaidnu (Norga) ja Gárasavvon (Ruoŧŧa), muhto fitnu bohtosat leat ávkin viidábutge Sápmái ja fidnu viggá movttiidahttit maiddái eará guovlluid sámiid bajásdoallat ja ovddidit duodjeárbbiset. Fidnu čohkke oktii guovddáš duodjái laktáseaddji oassebeliid ságastallat, ovttasbargat ja hukset duoji boahtteáiggi. Prošeakta viggá nannet/loktet duoji árvvusatnima sámiid gaskkas ja olggobealeservodagas.
