Giellavahkku ordnejuvvo fas golggotmánus vahkus 43!

Giellavahkku ordnejuvvo 23.-29.10.2023. Mii sávvat, ahte nu máŋgasat go máŧolaš servet Giellavahkkui nu Sámis go maiddái birra Suoma, Ruoŧa ja Norgga. Buohkat sáhttet válljet alcceseaset heivvoleamos vuogi Giellavahkkui oassálastima várás. Giellavahku áigge sáhttá lágidit dáhpáhusaid, oassálastit ieš dáhpáhusaide, buktit sámegielaid ovdan iežas birrasis ja doaimmas nugo lunddolaččat buoremusat heive.

Giellavahku áigge lea ee. iešguđetlágan doaibmiin buorre máŧolašvuohta muitalit sámegielat bálvalusain ja doaimmain. Dáhpáhusain, mat ordnejuvvojit, sáhttá almmuhit siidduide Giellavahkku, gos buohkat sáhttet oaidnit giellavahku dáhpáhusaid Sámis, Suomas, Ruoŧas ja Norggas. Seammá siidduin gávdnojit maiddái Giellavahku plakáhta ja Giellavahku logot ja eará materiálat. Maiddái Sámedikki Giellavahkku-siidduin gávdnojit materiálat juo dál Giellavahku várás ja dohko maiddái lea dárkkuhus lasihit ođđa materiálaid.

Go searvabehtet Giellavahkkui, mii sávvat ahte geavahehpet Giellavahku guoski almmustahttimiid, dieđáhusaid ja dáhpáhusaid oktavuođas fáddágilkora #giellavahkko2023 Giellavahku fáddágilkor lea dán jagi bihtánsámegillii, man čállinvuogádat lea nannejuvvon maŋimužžan sámegielain jagis 2019.

Mii sávvat, ahte oassálastibehtet Giellavahkkui. Ovttas mii sáhttit čalmmustahttit gielaid ja lasihit diđolašvuođa sámegielaid birra Giellavahkus golggotmánus 2023!

Dearvvuođaiguin – Tiõrvʼvuõđin – Tiervuođâiguin – Terveisin

Anni Koivisto
Saamelaiskäräjien I varapuheenjohtaja

Lisätietoja

Marko Marjomaa
Saamen kieliasiainsihteeri
050 438 2484 / 010 839 3183
marko.marjomaa(at)samediggi.fi

Giellavahku neahttasiidu  www.giellavahkku.org        

Giellavahku FB-siidu https://www.facebook.com/Giellavahkku 

Giellavahku Instagram https://www.instagram.com/giellavahkku  

Sámedikki Giellavahku neahttasiiddut

#giellavahkko2023