Ǩiõllneäʹttel jäʹrjstet âʹpet kålggmannust neäʹttlest 43!

Ǩiõllneäʹttel jäʹrjstet 23.-29.10.2023. Tuäivvap vueiʹtlva määŋgaid vuässõõttâd Ǩiõllneäʹttel vieʹttjed nuʹt Sääʹmjânnmest ǥu veeʹzz Lääʹdd beäʹlnn di Ruõccâst da Taarrâst. Puk vueiʹtte vaʹlljeed jiõccses suåvlaž nääʹl Ǩiõllneäʹttel vuässõõttâm diõtt. Ǩiõllneäʹttel poodd vuäitt jäʹrjsted šõddmõõžžid, vuässõõttâd jiõčč šõddmõõžžid, puʹhtted sääʹmǩiõlid ouʹdde jiijjâs pirrõõzzâst da tåimmjummšin tõid luândlânji suåvlaž naaʹlin.

Ǩiõllneäʹttel poodd liâ jm. jeeʹresnallšem tåimmjin pueʹrr vueiʹtlvažvuõđ čiõlǥted sääʹmǩiõllsaž kääzzkõõzzin da tåimmjummšin. Juõʹǩǩ jäʹrjstem šõddmõõžž vuäitt iʹlmmted seiddõʹsse Ǩiõllneäʹttel, koʹst puk vueiʹtte vueiʹnned jäʹrjstemvuâlaid šõddmõõžžid juõʹǩǩåʹrnn Sääʹmjânnmest, Lääʹdd beäʹlnn, Ruõccâst da Taarrâst. Seämma seiddõõzzâst käunnʼje še Ǩiõllneäʹttel plakaatt da Ǩiõllneäʹttel logo da jeeʹres materiaal. Še Sääʹmteeʹǧǧ Ǩiõllneäʹttel-seiddõõzzâst käunnʼje juʹn ååʹn materiaal Ǩiõllneäʹttel vääras da tok lââʹzztet še ođđ materiaalid.

Gu vuässõõttveʹted Ǩiõllneättla, tuäivvap tiʹjjid ââʹnnem Ǩiõllneäʹttel kuõskki õõlmtõõzzin, teâđtõõzzin da šõddmõõžži õhttvuõđâst teeʹmmstaanõõǥǥ #giellavahkko2023 Ǩiõllneäʹttel teeʹmmstaanõk lij jooʹtti eeʹjjest piiddâmsääʹm mieʹldd, koon ǩeeʹrjtemriâžldõk lij raavuum sääʹmǩiõlin emansa eeʹjjest 2019. 

Tuäivvap, što vuässõõttveʹted Ǩiõllneättla. Õõutveäkka vueiʹttep vuäǯǯad sääʹmǩiõlid kuâsttjemvuõđ da lââʹzzted teâttmõõžž sääʹmǩiõlin Ǩiõllneäʹttlest kålggmannust 2023!

Tiõrvʼvuõđin – Tiervuođâiguin – Dearvvuođaiguin – Terveisin

Anni Koivisto
Sääʹmteeʹǧǧ I väärrsaaǥǥjååʹđteeʹjj

Lââʹssteâđ

Marko Marjomaa
Sääʹm ǩiõllaaʹššipiisar
teʹl. 050 438 2484 / 010 839 3183
marko.marjomaa(at)samediggi.fi

Ǩiõllneäʹttel neʹttseeid https://giellavahkku.org/sms/

Ǩiõllneäʹttel FB-seeid https://www.facebook.com/Giellavahkku 

Ǩiõllneäʹttel Instagram https://www.instagram.com/giellavahkku   

Sääʹmteeʹǧǧ Ǩiõllneäʹttel interneʹttseidd

#giellavahkko2023