Presideanta Alexander Stubbis ja Sámedikkis liekkus deaivvadeapmi Anáris
Suoma dásseválddi presideanta Alexander Stubb deaivvadii Sámedikkiin bearjadaga 24.5. Sámekulturguovddáš Sajosis Anáris. Báikki ala ledje bovdejuvvon Sámedikki buot lahtut, nuoraidráđi ovddasteaddji ja virgeolbmot.
Govva: Ville Fofonoff / Sámediggi
– Deaivvadeamis lei liekkus, positiivvalaš ja optimistalaš vuoigŋa, muitala Sámedikki ságajođiheaddji Pirita Näkkäläjärvi.
Sullii diimmu bistán deaivvadeami áigge Sámedikki stivrra lahtut dolle oanehis sáhkavuoruid, maid maŋŋá ságastallui ovttas áigeguovdilis áššiin.
Govva: Ville Fofonoff / Sámediggi
Sámedikki sáhkavuoruin bajiduvvojedje ovdan buot golmma Suomas ealli sámegiela ja buot árbevirolaš ealáhusaid mearkkašupmi sámiid eallinvuohkái, sámiid eamiálbmotvuoigatvuođaid vuođđu riikkaidgaskasaš soahpamušain ja vuođđolágas, ja maiddái Sámedikki sávaldat váldit aktiivvalut rolla sámeguovllu eallinfámu ja sámi fitnodatdoaimma ovddideamis.
Sámedikki ságajođiheaddji Pirita Näkkäläjärvi ovdanbuvttii iežas sáhkavuorus Sámedikki EU-mihttomeriid, ja presideanta Stubb doaladuvai positiivvalaččat Sámedikki ulbmilii ráhkadit bissovaš oktavuođaid oassálastima várás EU:a mearrádusbargamii.
Govva: Ville Fofonoff / Sámediggi
Presideanta Stubb dihtoštalai maiddái Sámedikki beroštumi searvat stáhtagalledemiide ovddastit Suoma ja Sámi intreassaid, masa Sámedikki ságajođiheaddji Pirita Näkkäläjärvi vástidii, ahte lea miehtemielalaš ášši ektui.
Deaivvadeami loahpas Stubb bovdii olles Sámedikki presideanttašlohttii ovttas boradit joatkkaságastallamiidda.
Lassedieđut:
Pirita Näkkäläjärvi
Ságajođiheaddji
044 753 3766
pirita.nakkalajarvi@samediggi.fi
