Presideʹntt Alexander Stubbist da Sääʹmteeʹǧǧest pakkmiõllsaž kaaunõõttmõš Aanrest
Lääʹdd tääʹssvääʹld presideʹntt Alexander Stubb kaaunõõđi Sääʹmtiiʹǧǧin piânnai 24.5. Sääʹmkulttuurkõõskõs Sajoozzâst Aanrest. Pääiʹǩ õõl leʹjje koččum puk Sääʹmteeʹǧǧ vuäzzla di veʹrǧǧneeʹǩǩ.
-Kaaunõõttmõõžžâst leäi pakkmiõllsaž, õõudâsraajji da optimiistlaž toobdâlm, särnn Sääʹmteeʹǧǧ saaǥǥjååʹđteei Pirita Näkkäläjärvi.
Nuʹt čiâss ääiʹj piʹštti kaaunõõttmõõžž äiʹǧǧen Sääʹmteeʹǧǧ halltõõzz vuäzzla õʹnne vuäʹnkõs saakkvuâraid vuâđđan, da mâŋŋa tõʹst saǥstõʹlleš õõutsââʹjest ääiʹjpoddsaž aaʹššin.
Snimldõk: Ville Fofonoff / Sääʹmteʹǧǧ
Sääʹmteeʹǧǧ saakkvuârain kaʹǧǧe õuʹdde pukid koolm Lääʹddjânnmest jieʹlli sääʹmǩiõl da puki äʹrbbvuõđlaž jieʹllemvuõʹjji miârktõõzz sääʹm jieʹllemnälla, säʹmmlai alggmeervuõiggâdvuõđi vuâđ meeraikõskksaž suåppmõõžžin da vuâđđlääʹjjest di Sääʹmteeʹǧǧ tuõivvi väʹldded aktiivlab rool sääʹmvuuʹd jieʹllemviõǥǥ da sääʹm põõrǥâsvuõđ õõudâsviikkmõõžžâst.
Sääʹmteeʹǧǧ saaǥǥjååʹđteei Pirita Näkkäläjärvi puuʹti jiiʹjjes saakkvuârast õuʹdde Sääʹmteeʹǧǧ EU-täävtõõzzid, da presideʹntt Stubb šiõttlõõđi positiivlânji Sääʹmteeʹǧǧ täävtõʹsse raajjâd põõšši raajõõzzid EU-tuʹmmstõktuõjju vuässõõttmõʹšše.
Snimldõk: Ville Fofonoff / Sääʹmteʹǧǧ
Presideʹntt Stubb teâđstõõli še Sääʹmteeʹǧǧ perstummuž vueʹlǧǧed mieʹldd riikk-kõʹllʼjummša eeʹttkâʹstted Lääʹddjânnam da Sääʹmjânnam intreeʹssid, koozz Sääʹmteeʹǧǧ saaǥǥjååʹđteei Pirita Näkkäläjärvi vaʹsttii, što šiõttlââtt positiivlânji.
Kaaunõõttmõõžž looppâst Stubb kååččai Sääʹmteeʹǧǧ presideʹnttlânna stuällõõttâd.
Lââʹssteâđ :
Pirita Näkkäläjärvi
Saaǥǥjååʹđteei
044 753 3766
pirita.nakkalajarvi@samediggi.fi
