Ságajođiheaddji Juuso sáhkavuorru Sámeoahpahusa davviriikkalaš forumis
Sámedikki ságajođiheaddji Tuomas Aslak Juuso rabai Sámeoahpahusa davviriikkalaš foruma Anáris 1.12.2021. Sámeoahpahusa davviriikkalaš forum figgá hábmet ollislaš gova sámeoahpahusas Suomas, Ruoŧas ja Norggas. Foruma ulbmilin lea ovddidit oahpahusa rájáidrasttilteaddji ovttasbarggu ja dan skuvlenpolitihkalaš sajádaga ruovtturiikkainis. Forumii leat almmuhan iežaset olu virgeeiseválddit, skuvlenpolitihkalaš vaikkuheaddjit, sámeoahpahusa dutkit ja oahpaheaddjit.
