Sámediggeválggaid boađus 2024
Sámedikki válgalávdegoddi lea čoahkkimis 3.7.2024 nannen sámediggeválggaid bohtosa. Sámediggeválggaid jienastanproseanta lei 48,08. Jienastanvuoigatvuođa válggain geavahedje oktiibuot 2945 jietnavuoigadahtton olbmo. Válgalávdegoddi guđii jienasteamis 174 jiena vuhtii válddekeahttá sámedikkis addojuvvon lága 35 §:a mielde ja hilggui 6 jienastanlihpo lága 37 §:a mielde. Jienaidrehkenastima maŋŋá poasttas bohte 21 máhcahanskovi, mat eai váldojuvvon vuhtii jienaid rehkenastimis.
