Sääʹmteʹǧǧvaal puäđõs 2024
Sääʹmteeʹǧǧ vaal-luʹvddkåʹdd lij såbbreʹstes 3.7.2024 raʹvvjam sääʹmteeʹǧǧvaali puäđõõzz. Sääʹmteʹǧǧvaali jiõnstemproseʹntt leäi 48,08. Jiõnnvuõiggâdvuõđ vaalin õʹnne õhttsiʹžže 2945 jiõnnvuõiggâdvuõttneeʹǩǩ. Vaal-luʹvddkåʹdd kuõʹđi jiõnstummšest 174 jiõnnâd lokku vääʹldǩâni sääʹmteeʹǧǧest uvddum lääʹjj 35 § meâldlânji da heelǥii 6 jiõnstemliipp lääʹjj 37 § meâldlânji. Jiõnilaʹsǩǩummuž mâŋŋa pååʹštest puõʹtte 21 maacctemkonfeârt, koid jeät välddam lokku jiõnilaʹsǩǩummšest.
