Sámediggi giitá buohkaid, geat oassálaste Sámenuoraid dáiddadáhpáhussii
Sámenuoraid dáiddadáhpáhus ordnejuvvui Gáregasnjárgga skuvllas 19.5.2026. Dáhpáhus čohkkii oktii vuođđoskuvlla ja nuppi dási sámeoahpahusa oahppiid. Beaivvi áigge nuorat besse juohkit iežaset máhtu ja oahpásmuvvat nuppiidasaset.
Gáregasnjárgga skuvlla lihkadansále fálai buori saji lágidit dáhpáhusa.
Dáiddadáhpáhusa prográmmas ledje dán jagi muitalusat videon, iešguđetlágan jietnamáilmmit, árbevirolaš sámemusihkka ja maid mánáid ja nuoraid dujiin čohkkejuvvon sámeduodječájáhus. Beaivvi áigge oidnojedje máŋggalágan ja fiinna čájáhusat.
Dujiin lei iežas čájáhus.
Dáhpáhusa olis juhkkojuvvojedje dovddastusat sierra luohkáin. Dovddastemiid ožžo dát:
Máinnasteapmi
- Uvllá ja Biera guolásteamen, Njuorggán gánddat
- Dollagáttis, Eanodaga skuvla – Gollit
- Saami säkki, Čeavetjávrri skuvla
Jietnamáilbmi
- GIĐĐADÁLVI, Gáregasnjárgga skuvla
- VÁIGGAS, Vuohču skuvla
- GIĐĐA, Heahtá skuvla – Gollit
Árbevirolaš luohti (dán jagi eai lean livđe dahje leuʹdd -ovdanbuktimat)
- Davimusat – Min giđđabálgát (Njuorggán)
- Čearpmahat – Nieiddaid luođit (Vuohčču)
- Giehtaruohttasa nieiddat – Njoammila luohti (Eanodat)
Tyeji, tuejj, duodji
- Inger Näkkäläjärvi, Heahtá skuvla
- Anni-Siviä Länsman, Njuorggáma skuvla
- Unni Kuusela, Vuohču skuvla
Duoji ođđa eallin
- Ánne Káren Magga, Heahtá skuvla
- Kiurel Harju, Čeavetjávrri skuvla
- Máhtte Aikio, Paul-Mihkkal Ruotsala ja Paulus Rauhala, Anára skuvla
Máinnasteapmái oassálaste oktiibuot 13 video iešguđet skuvllain.
Dáiddadáhpáhusa plakáhta ráhkadeaddji Elli Kotavuopio Heahtá skuvllas bálkkašuvvui dáiddadárbašiiguin. Mánát ja nuorat hástaluvvojedje ovdal dáhpáhusa plánet gova dáhpáhusa plakáhtii. Kotavuopio dáiddolaš bargu válljejuvvui plakáhtii. Govas lea earálágan ornamentihkka, mii ráhkada ivdnás bihttálágan ollislašvuođa báddelágan govvosiin.
Dáidaga ja kultuvrra sierraáššedovdit árvvoštallet čájáhusaid ja dujiid. Sierraáššedovdin doibmet Mikkâl Morottaja (jietnamáilbmi ja máinnasteapmi), Suvi West (máinnasteapmi), Yrjö Musta (sámeduodji), Elle-Máret Helander (sámeduodji) ja Piera Eira (árbevirolaš sámemusihkka). Sámedikki ságajođiheaddji Pirita Näkkäläjärvi buvttii video bokte Sámedikki dearvvuođaid dáhpáhussii. Dáhpáhusas ovdanbuvttii Piera Eira ja Johan Ivvár Gaup EiGa-duo, mii oaččui olles sále dánsut ja juoigat mielde. Dáhpáhus čohkkii báikki ala sullii 270 oassálasti.
Násteartistan Johan Ivvár Gaup ja Piera Eira dahjege EiGa.
Sámediggi giitá váimmolaččat buot oassálastiid, bagadalliid, oahpaheaddjiid ja ovttasbargoguimmiid lihkostuvvan dáhpáhusa ollašuhttimis. Earenoamáš giitosat Gáregasnjárgga skuvlii ja Ohcejoga gildii dáhpáhusa ordnemiin ja árvvasvuođas.
Čuovvovaš jagi dáiddadáhpáhusa ordnenbáiki almmuhuvvui dáhpáhusas. Boahtte giđa dáiddadáhpáhus dollojuvvo Heahtá skuvllas Eanodagas.
Dáidaga ja kultuvrra sierraáššedovdit gurutrávddas: Suvi West, Piera Eira, Elle-Máret Helander ja Mikkâl Morottaja. Yrjö Musta váilu govas.
Lassidieđut:
Minna Lehtola
044 902 9295
minna.lehtola@samediggi.fi
Petra Biret Magga-Vars
040 732 5503
petra.magga@samediggi.fi
Tarja Porsanger
050 569 6065
tarja.porsanger@samediggi.fi
