Sääʹmteʹǧǧ späʹssbââšš pukid Sääʹmnuõri čeäʹppvuõttpeivva vuässõõđjid

Čeäʹppvuõttpeeiʹv programm õõʹni seʹst tän eeʹjjest mainnsi jååʹđtummuž videoin, jeeʹresnallšem jiõnnmaaiʹlm, äʹrbbvuõđlaž sääʹm-musiikk di päärnai da nuõri ǩiõtt-tuâjain nårrjam sääʹmǩiõtt-tuâjjčuäjtõõzz. Peeiʹv poodd vuõiʹnneš määŋgpeällsaž da mooččâs čuäjtõõzzid.

Ǩiõtt-tuâj leʹjje kuâsttjemnalla jiijjâz čuäjtõõzzâst.

Šõddmõõžž õhttvuõđâst jueʹǩǩeš tobdstõõzzid jeeʹres rääidain. Tobdstõõzzid vuõǯǯu:

Mainnâz jååʹđtummuš

• Uvllá ja Biera guolasteamen, Nuorggám gánddat
• Dollagáttis, Jeänõõǥǥ škooul – Gollit
• Saami säkki, Čeʹvetjääuʹr škooul

Jiõnnmaaiʹlm

• GIĐĐADÁLVI, Karigasnjaarǥ škooul
• VÁIGGAS, Vuõccu škooul
• GIĐĐA, Hetta škooul – Gollit

Äʹrbbvuõđlaž luõđ (tän eeʹjj jiâ leämmaž livđe leʹbe leuʹdd -čuäjtõõzz)

• Davimusat – Min giđđabálgat (Nuorgam)
• Čearpmahat – Nieiddaid luođit (Vuõccu)
• Giehtaruohttasa nieiddat – Njoammila luõđ (Jeänök)

Tyeji, tuâjj, duodji

• Inger Näkkäläjärvi, Hetta škooul
• Anni-Siviä Länsman, Nuorgam škooul
• Unni Kuusela, Vuõccu škooul

Ǩiõtt-tuâj ođđ jieʹllem

• Ánne Káren Magga, Hetta škooul
• Kiurel Harju, Čeʹvetjääuʹr škooul
• Máhtte Aikio, Paul-Mihkkal Ruotsala da Paulus Rauhala, Aanar škooul

Mainnâz jååʹđtummša vuässõʹtte õhttsiʹžže 13 video jeeʹres škooulin.

Čeäʹppvuõttpeeiʹv plakaatt raajji Elli Kotavuopio Hetta škooulâst ciʹsttješ čeäppõstäʹvvrin. Päärnaid da nuõrid ǩeâšttjâʹtteš ooudbeäʹlnn šõddmõõžž plaaneed kaart/pirstõõzz čeäʹppvuõttpeeiʹv plakaʹtte. Kotavuopio čieʹppes tuâj vaʹlljeeš plakaʹtte. Kaartâst liâ jeeʹresnallšem ornamentiikk, kååʹtt põhtt eunnas kuʹsǩǩ-kuuʹsǩnallšem obbvuõđ liânttnallšmin ǩerjjõõzzin.

Čeäppõõzz da kulttuur spesiaalsiltteeʹj ärvvtõʹlle čuäjtõõzzid da ǩiõtt-tuâj. Spesiaalsiltteeʹjen leʹjje Mikkâl Morottaja (jiõnnmaaiʹlm da mainnâz jååʹđtummuš), Suvi West (mainnâz jååʹđtummuš), Yrjö Musta (sääʹmǩiõtt-tuâjj), Elle-Máret Helander (sääʹmǩiõtt-tuâjj) da Piera Eira (äʹrbbvuõđlaž sääʹm-musikk). Sääʹmteeʹǧǧ saaǥǥjååʹđteeʹjj Pirita Näkkäläjärvi puuʹti video mieʹldd Sääʹmteeʹǧǧ tiõrvʼvuõđid čeäʹppvuõttpeivva. Šõddmõõžžâst čuäjtõʹtte Piera Eira da Johan Ivvár Gaupp EiGa-duo, tõt vuäǯǯai pukid taʹnssjed da juõiggâd mieʹldd kueʹrncest. Čeäʹppvuõttpeiʹvv noori pääiʹǩ ool nuʹt 270 vuässõõđi.

Täʹsnnartiistân Johan Ivvár Gaup da Piera Eira leʹbe EiGa.

Sääʹmteʹǧǧ späʹssbââšš pukid vuässõõđjid, ohjjeeʹjid, uʹčteeʹlid di õhttsažtuâjjkuõiʹmid oʹnnstam šõddmõõžž čõõđ viikkmõõžžâst. Mooččâs späʹsseb Karigasnjaarǥ škoouʹle da Uccjooǥǥ kådda šõddmõõžž riâššmõõžžin da kuâsstemvuõđâst.

Mõõnni eeʹjj čeäʹppvuõttpeeiʹv jäʹrjstempääiʹǩ õlmstõʹtteš šõddmõõžžâst. Puõʹtti ǩeâđđa čeäʹppvuõttpeeiʹv ââʹnet Hetta škooulâst Jeänõõǥǥâst.

Čeäppõõzz da kulttuur sueʹrǧǧsiltteeʹj čiʹǯsbeäʹlnn: Suvi West, Piera Eira, Elle-Máret Helander da Mikkâl Morottaja. Yrjö Musta ij leäkku tän snimldõõǥǥâst.

Lââʹssteâđaid oudd:

Minna Lehtola
044 902 9295
minna.lehtola@samediggi.fi

Petra Biret Magga-Vars
040 732 5503
petra.magga@samediggi.fi

Tarja Porsanger
050 569 6065
tarja.porsanger@samediggi.fi