Sámediggi ohcá allaskuvlahárjehalli
Sámediggi almmuha ohcanláhkai allaskuvlahárjehalli báikki. Bargu álgá soahpamuša mielde geassemánus 2025. Hárjehallan bistá 3 mb. Barggus lea gáiddusbarganvejolašvuohta.
Allaskuvlahárjehalli váldobargun lea sámenuoraid konferánssa plánen, ordnen, diehtojuohkin ja eará ovdaválmmaštallamat sihke konferánssa maŋŋebarggut ovttasbarggus Sámedikki nuoraidčálliin ja nuoraidráđiin. Sámenuoraid konferánsa lágiduvvo borgemánus 2025 Anáris Sajosis ja dan ordne Sámedikki nuoraidráđđi.
Doaimma njuovžilis dikšuma veahkeha heivvolaš skuvlejupmi, sámegiela máhttu ja sámekultuvrra dovdan. Mii atnit árvvus návccaid iehčanas ja fuolalaš bargamii sihke buriid ovttasbargo- ja gulahallandáidduid. Bálkkámáksin mearrašuvvá Sámedikki bálkávuogádaga gáibádusdási V dan II joavkku mielde (vuođđobálká 2432,19 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus ja vásáhuslasit, mat mearrašuvvet bargohárjánumi mielde. Vuosttas sajis sávvat ohcciid, geain lea oahppolágádusa doarjja hárjehallamii. Maiddái eará ohccit vuhtiiváldojit.
Friijahápmásaš ohcanreivve ja vejolaš ánsologahallama ja eará čuvvosiid galgá máhcahit Sámedikki čállingoddái 30.4.2025 rádjai dán ohcamušskovi bokte (rahpasa ođđa ruvttui): Ohcamušskovvi
Lassedieđuid barggus addá nuoraidčálli Elli-Marja Hetta, elli-marja.hetta@samediggi.fi ja allaskuvlahárjehallamii guoskevaš áššiin bargiidhoavda Ida Pirttijärvi, ida.pirttijarvi@samediggi.fi.
Sámedikki doibmii sáhttá oahpásmuvvat neahttačujuhusas www.samediggi.fi ja nuoraidráđi doibmii čujuhusas www.nuor.fi
Anáris 16.4.2025
Sámediggi
