Sámediggi ohcá birasčálli virgesadjásačča
Sámediggi almmuha ohcan láhkai birasčálli virgesadjásašvuođa. Virgesadjásašvuohta álgá 1.9.2024 rájes ja bistá 7.10.2025 rádjai.
Birasčálli bargun lea ee. dikšut ja válmmaštallat sámiid ávnnaslaš kulturárbái, sámiid ruovttuguovllu birrasii ja eanageavaheapmái laktáseaddji áššiid. Barggut mearrašuvvet Sámedikki bargoortnega 26 b §:a mielde.
Seađusvuđot gelbbolašvuođagáibádussan lea barggu eaktudan skuvlejupmi ja lassin gáibiduvvo sámegiela máhttu (ásahus 1727/95). Barggu ceavzilis dikšun eaktuda sámekultuvrra, sámi árbevirolaš dieđu, birasáššiid sihke hálddahusbargguid buori dovdama ja maiddái buriid ovttasbargan- ja gulahallandáidduid. Barggu ceavzilis dikšuma veahkeha heivvolaš allaskuvladutkkus. Mii vuordit maiddái njuovžilis čállindáiddu, válmmašvuođa iehčanas bargamii, buriid organiseren- ja streassa gierdannávccaid.
Bálkkámáksin mearrašuvvá Sámedikki bálkávuogádaga gáibádusdási IV/II mielde (vuođđobálká 2760,63 e/mb). Vuođđobálkká lassin máksojuvvojit 24 %:a sámeguovllu lassi ja ahkelasit, mat mearrašuvvet bargojagiid mielde. Virgesadjásašvuođas čuvvojuvvo guovtte mánotbaji geahččalanáigi.
Friijahápmásaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái 4.8.2024 rádjai dán ohcamusskovi bokte (rahpasa ođđa ruvttui).
Lassidieđuid barggus addá hálddahushoavda Pia Ruotsala-Kangasniemi, tel. 010 839 3106.
Sámedikki doibmii sáhttá oahpásmuvvat neahttačujuhusas www.samediggi.fi
Anáris 2.7.2024
Sámediggi
