Sääʹmteʹǧǧ ååcc pirrõspiisar veeʹrjsâjjsa

Pirrõspiisar tuâjjan lij jm. håiddad da valmštõõllâd säʹmmlai aunnsallaš kulttuurärbba, säʹmmlai dommvuuʹd pirrõʹsse da mäddâânnmõʹšše õhttneei aaʹššid. Tuâj meäʹrtâʹvve Sääʹmteeʹǧǧ tuâjjriâššmõõžž 26 b § mieʹldd.

Šiõttõsvuâđliʹžžen ââʹntemõõlǥtõssân lij tuâj õõudldem škooultõs da lââʹssen õõlǥtet sääʹmǩiõl tääid (asetõs 1727/95). Tuâj oʹnnsteeʹjes håiddmõš õõlǥat pueʹr sääʹmkulttuur, sääʹm äʹrbbvuõđlaž teâđ, pirrõsaaʹšši di vaaldšemvuõđlai tuâjai tobddmõõžž di pueʹrr õhttsažtuâjj- da vuârrvaaiktemtääidaid. Tuâj oʹnnsteeʹjes håiddmõõžž ooudâsvieʹǩǩat suåppi õllškooultuʹtǩǩõs. Vueʹrddep še pueʹrr ǩeeʹrjtemsilttõõzz, vaalmâšvuõđ jiõččnaž tuâj tuejjummša, pueʹrr organisâʹsttem- da teäddǩiõrddâmpâstlvažvuõđ.

Päʹlǩǩ meäʹrtââvv Sääʹmteeʹǧǧ päʹlǩǩ-klassriâžldõõǥǥ väʹǯǯelvuõtt-tääʹzz IV/II mieʹldd (vuâđđpäʹlǩǩ 2928,68 e/mp). Vuâđđpääʹlǩ lââʹssen määuʹset 24 % sääʹmvuuʹd lââʹzz da tuâjjharjjnummuž mieʹldd meäʹrtõõvvi ǩiõččlâʹsttemlââʹzz. Veeʹrjsâjjsažvuõđâst jääʹǩǩtet kueiʹt määnpââʹj ǩiččlõddâmääiʹj.

Jiijjâs maall meâldlaž ooccâmǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe maaccted Sääʹmteeʹǧǧ piisarkådda 4.8.2024 mõõneeʹst tän ooccâmlomaakk pääiʹǩ (ävvan ođđ ikkna).

Lââʹssteâđaid tuâjast oudd vaaldâšmjååʹđteeʹjj Pia Ruotsala-Kangasniemi teʹl. 010 839 3106.

Sääʹmteeʹǧǧ tåimmjummša vuäitt tobdstõõttâd neʹttaddrõõzzâst www.samediggi.fi

Aanrest 2.7.2024
Sääʹmteʹǧǧ