Sámediggi ohcá erenomášplánejeaddji Interreg Aurora -prográmma čállingoddái

Bargu lea oasseáiggebargu, 50 % ollesáigásačča bargoáiggis (18 h 18 min/vahkku), ja bargi sajustuvvá soahpamuša bokte Suoma beali Sámediggái. Bargui gullá mátkkošteapmi prošeaktaguovllus, ja barggu lea vejolaš bargat gáiddusin. Interreg Aurora -prográmmagiella lea eaŋgalasgiella.

Bargu álgá 7.1.2025 dahje soahpamuša mielde ja bistá álggos 31.12.2025 rádjai. Lassedieđut Interreg Aurora prográmma birra gávdnojit čujuhusas https://www.interregaurora.eu/

Gelbbolašvuođagáibádussan lea heivvolaš allaskuvladutkkus. Lassin gáibiduvvo sámegiela máhttu (ásahus 1727/95). Barggu ceavzilis dikšumii dárbbaša buori sámekultuvrra ja rájárasttildeaddji ovttasbarggu ja lassin hálddahuslaš bargguid dovdama, buriid gulahallandáidduid, válmmašvuođa bargat iehčanassii, dáiddu bargat ovttas ja erenomáš buori eaŋgalasgiela njálmmálaš ja čálalaš máhttima. Bargohárjánupmi sullasaš bargguin ja lassin EU-láhkaásaheami ja hálddahusa dovdamuš gehččojuvvojit ohccái ovdun.

Bálká mearrašuvvá Sámedikki bálkávuogádaga gáibádusdási IV/II mielde (ollesáigásačča bargogaskavuođa vuođđobálká 2928,68 €//mb). Vuođđobálkká lassin barggus máksojuvvojit sámeguovllus barggadettiin 24 % sámeguovllu lassi ja ahkelasit, mat mearrašuvvet bargohárjánumi mielde. Barggus čuovvut 4 mánotbaji geahččalanáiggi.

Ohcamuša, ánsologahallama ja eará čuvvosiid ja duođaštusaid galgá doaimmahit Sámedikki čállingoddái maŋimustá 30.11.2024 dán ohcamušskovi bokte (rahpasa ođđa lássii).

Lassedieđuid barggu birra addá hálddahushoavda Pia Ruotsala-Kangasniemi, pia.ruotsala(at)samediggi.fi, tel. +358407262688.

Lassedieđuid Interreg Aurora -prográmmaáigodaga birra addá prográmmahoavda Tina Nilsson, Norrbottena leanaráđđehus tina.nilsson@lansstyrelsen.se tel. + 46 10 225 52 89

Anáris 31.10.2024
Sámediggi