Sääʹmteʹǧǧ ååcc spesiaalplaanni Interreg Aurora -prograamm piisarkådda
Spesiaalplaanni vaʹsttad Interreg Aurora -prograamm (2021–2027) sääʹmsueʹrj ooccmõõžžid di haʹŋǩǩõõzzid kuulli vuäʹpstummšest, saaǥǥtummšest, haʹŋǩǩõs-seuʹrrjummšest, ooccmõõžži ǩiõttʼtõõllmõõžžâst di čuäʹjtõõllmõõžžâst vaaldâšmkomitea peälla.
Tuâjj lij vueʹssäiggsaž, 50 % tiuddtuâjjääiʹjest (18 č 8 min/neäʹttel), da tuâjjlaž sâjjdââtt suåppmõõžž peäʹlest Lääʹdd Sääʹmtegga. Tuõjju siskkan maatkčummuš haʹŋǩǩõsvuuʹdest, tuâj vuäitt tuejjeed olgglõstuâjjan. Interreg Aurora-prograamm programmǩiõll lij eŋgglõsǩiõll.
Tuâjj älgg 7.1.2025 leʹbe suåppmõõžž mieʹldd da peštt aalǥâst 31.12.2025 räjja. Lââʹssteâtt Interreg Aurora-prograammâst käunnai addrõõzzâst https://www.interregaurora.eu/
Ââʹntemkaiʹbbjõssân lij šiõtlvaž õllškooultuʹtǩǩõs. Lââʹssen kaiʹbbjet sääʹmǩiõl tääid (asetõs 1727/95). Tuâj oʹnstam håiddmõš kaiʹbbai šiõǥǥ sääʹmkulttuur da rââst raaʹji vuällai õhttsažtuâj da šiõǥǥ vaaldšmallaš tuâjai tobddmõõžž, šiõǥǥ saaǥǥtemtääidaid, vaalmâšvuõđ jiõččnaž tuejjummša, oodd tiimtuõjju da samai pueʹr eŋgglõs ǩiõl njäälmlaž di ǩeerjlaž silttummuž. Härjjnummuž vaʹstteei tuâjaid di EU-lääʹǩǩšiõttummuž da vaaldâšm tobddmõõžž ǩiõččât ooccja pueʹrren.
Päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz IV/II mieʹldd (tiuddtuâjjaaiʹjin vuâđđpäʹlǩǩ 2928,68 €/mp). Vuâđđpääʹlǩ õõl määuʹset sääʹmvuuʹdest tuejjeʹmen 24 % sääʹmvuuʹd lââʹzz da tuõjju härjjnem mieʹldd meäʹrtõõvvi lõõʹzzid. Tuâjast ââʹnet 4 määnpââʹj ǩiččlõddâmääiʹj.
Ooccmõš, merittloǥstõk da jeeʹres meâlddõõzz da tuõđštõõzz âʹlǧǧe maaccted Sääʹmteeʹǧǧ piisarkådda 30.11.2024 mõõneeʹst tän ooccmõšlomaakk pääiʹǩ (ävvan ođđ ikkna).
Lââʹssteâđaid tuâjast oudd vaaldâšmjååʹđteei Pia Ruotsala-Kangasniemi, pia.ruotsala(at)samediggi.fi, teʹlf. +358407262688.
Lââʹssteâđaid Interreg Aurora-prograammâst oudd programmjååʹđteei Tina Nilsson, Norrbotten läänhalltõs tina.nilsson@lansstyrelsen.se teʹlf. + 46 10 225 52 89
Aanrest 31.10.2024
Sääʹmteʹǧǧ
