Sámediggi ohcá mearreáigásaš prošeaktabargi nuoraidráđi De! 2 -fidnui

Prošeaktabargi bargun lea sámegielat ja kulturvuđot nuoraidbarggu ovddideapmi sámeguovllu gielddain prošeaktaplána mielde ovttas Sámedikki nuoraidráđiin ja fitnu stivrenjoavkkuin. Prošeaktabargi pláne ja ollašuhttá nuoraid astoáiggi doaimma ja ordne doaimma sierra báikegottiin sámenuoraid sávaldagaid ja dárbbuid vuođul ovttasbarggus sámeguovllu gielddaiguin. Prošeaktabargi vástida fitnu geavatlaš ordnemiin ja ollašuhttimis ja raporta ráhkadeamis.

Bargu álggášii 15.5.2024 dahje soahpamuša mielde ja bistá 31.12.2024 rádjai.

Gelbbolašvuođagáibádussan lea skuvlejupmi, man doaibma eaktuda ja sámegiela máhttu (ásahus 1727/95). Mii atnit árvvus návcca iehčanas ja fuolalaš bargamii, buriid ovttasbargo- ja gulahallandáidduid ja vásáhusa prošeaktabarggus. Prošeaktabargi doaibmasadji lea sámekulturguovddáš Sajosis, oasi bargoáiggis lea vejolaš bargat gáiddusin. Barggu dikšun eaktuda mátkkošteami sámeguovllus ja vuodjinkoarta/iežas biilla geavahusa.

Bálkkámáksin hápmašuvvá Sámedikki bálkávuogádaga gáibádusdási VI/II mielde (vuođđobálká 2432,19 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus ja ahkelasit, mat hápmašuvvet bargohárjánumi mielde.

Friddjahápmásaš ohcanreivve ja vejolaš ánsologahallama ja eará mildosiid galgá doaimmahit Sámedikki čállingoddái maŋimustá 7.5.2024 dán ohcamušskovi bokte (rahpasa ođđa ruvttui).

Lappi guovlohálddahusdoaimmahat lea mieđihan Sámedikki nuoraidráđđái 46 500 e ruhtadeami nuoraiddoaimma ovddidanfidnui.

Lassedieđuid barggus addá nuoraidčálli Elli-Marja Hetta, elli-marja.hetta(at)samediggi.fi ja tel. 050 3825 179.

Sámedikki doibmii sáhttá oahpásmuvvat neahttačujuhusas www.samediggi.fi ja nuoraidráđi doibmii čujuhusas www.nuor.fi

Anáris 23.4.2024
Sámediggi