Sámediggi ohcá sosiála- ja dearvvašvuođačálli virgesadjásačča

Sámediggi almmuha ohcan láhkai sosiála- ja dearvvasvuođačálli virgesadjásašvuođa. Virgesadjásašvuohta álggášii soahpamuša mielde nu jođánitgo vejolaš ja joatkašuvvá gitta 4.2.2025 rádjai.

Sosiála- ja dearvvašvuođačálli bargun lea ovttasbarggus sámedikki nuppiin sosiála- ja dearvvašvuođačálliin ee. válmmaštallat sámiid sosiála- ja dearvvašvuođafuolahusa guoski áššiid, erenomážit vástosuorgin leat sámegielat sosiála- ja dearvvašvuođabálvalusaid dorvvasteami ja ovddideami várás čujuhuvvon stáhtadoarjaga hálddašeami doaimmat ja doaibmat sosiála- ja dearvvašvuođalávdegotti áššemeannudeaddjin ja čállin ja válmmaštallat dan iešvuođas lávdegotti čoahkkináššiid. Sámedikki sosiála- ja dearvvašvuođačálli barggut leat logahallojuvvon Sámedikki bargoortnegis 26 f buohta.

Gelbbolašvuođagáibádussan lea skuvlejupmi, mii doaimmas eaktuduvvo ja sámegiela máhttu (ásahus 1727/95). Doaimma ceavzilis dikšuma veahkeha heivvolaš allaskuvladutkkus, viiddes sámiid sosiála- ja dearvvašvuođasuorggi, sámekultuvrra ja hálddahuslaš doaimmaid dovdámuš ja buorit ovttasbargo- ja gulahallandáiddut. Mii vuordit válmmašvuođa iešráđálaš, vásttolaš bargamii ja buriid streassa gierdannávccaid.

Čálli bálká mearrašuvvá Sámedikki bálkávuogádaga gáibádusdási IV/II mielde (vuođđobálká 2857,25 euro/mb). Vuođđobálkká lassin barggus máksojuvvojit 24 % sámeguovllu lassi, go bargá sámiid ruovttuguovllus ja ahkelasit, mat mearriduvvojit bargohárjánumi mielde. Barggus čuvvojuvvo golmma mánotbaji geahččalanáigi.

Ohcanreivve ja vejolaš ánsologahallama ja eará mildosiid galgá máhcahit Sámedikki čállingoddái maŋimustá 23.2.2024 dán ohcamušskovi bokte (rahpasa ođđa ruvttui).

Lassedieđuid barggus addá Sámedikki hálddahushoavda Pia Ruotsala-Kangasniemi, t. 010 839 3106.

Sámedikki doaimmaide sáhttá oahpásmuvvat neahttačujuhusas www.samediggi.fi.

Anáris 9.2.2024
Sámediggi


Juoge siiddu ovddosguvlui

Eará ođđasat