Sámenuoraid dáiddadáhpáhusa álgá fargga
Sámenuoraid dáiddadáhpáhus álgá gaskavahku 24.4. bargobájiiguin ja joatkašuvvá duorastaga 25.4. lávdedáidagiin ja govvadáiddačájáhusain.
Duorastaga dáiddadáhpáhusas oaidnit oktiibuot 15 ovdanbuktima lávddi alde, ovcci oanehisfilmma ja lagabui 80 govvadáiddaduoji. Oanehisfilmmat čájehuvvojit beaivvi áigge auditoriijas lávdeovdanbuktimiid oktavuođas. Govvadáiddadujiin čohkkejuvvo čájáhus Sajosa boađafeaskárii. Govvadáiddačájáhussii sáhttá fitnat oahpásmuvvame friddja beaivvi áigge.
Dáhpáhus láidestuvvo golmmain suomas hupmojuvvon sámegielain. Dáhpáhusa láidestit anárašgillii Ainomaija Mäenpää, nuortalašgillii Heini Wesslin ja davvisámegillii Oula Guttorm.
Sámenuoraid dáiddadáhpáhusa sáhttá čuovvut neahta bokte čujuhusas https://www.sajos.fi/live.
Áigedávval:
Gaskavahkku 24.4.
12:00 Bargobájit ceahkkálagaid
15:00 Boradeapmi ceahkkálagaid
17:00 Idjadanbáikkiide vuolgin
Duorastat 25.4.
9:00 Dáhpáhus álgá
10:45 Boradeapmi ceahkkálagaid
12:00 Dáhpáhus joatkašuvvá
15:00 Ruoktot vuolgin
Lassedieđut:
Miia Ruokojärvi
miia.ruokojarvi(at)samediggi.fi
0447775683
