Sámedikki válggaid bohtosa mearrašuvvan
Sámedikki áirrasin bohtet válljejuvvot 21 eanemus jienaid ožžon evttohasa, gáibádusain, ahte sin joavkkus leat uhcimustá golbma evttohasa sápmelaččaid ruovttuguovllu guđege gielddas. Juos mas nu dáin gielddain eai leat dán joavkkus golbma evttohusa, bohtet válljejuvvot dan gieldda golbma eanemus jienaid ožžon evttohasa.
Várreáirrasin guđege sámeguovllu gielddas šaddá válljejuvvot evttohas, gii leat ožžon čuovvovažžan eanemus jienaid válljejuvvon evttohasaid maŋŋá.
Juos jietnamearit leat seamma stuorrát, čovdojuvvo daid gaskasaš ortnet vuorbádemiin.
Válggaid bohtosa nannen
Válgalávdegoddi nanne válggaid bohtosa čoahkkimis, mii dollojuvvo goalmmát beaivve jienaidrehkenastima álggaheami maŋŋá 3.7.2024 dmu 18.
Válggaid boađus ferte almmuhuvvot dalánaga vuoigatvuohtaministeriijai sámedikki áirasiid ja várreáirasiid bargoseaset mearrideami várás čuovvovaš doaibmabadjái.
Válggaid bohtosa guoskevaš njulgengáibádus ja váidda
Jietnavuoigadahtton olmmoš, guhte oaidná, ahte válgalávdegotti mearrádus válggaid bohtosa nannemis dahje válggaid doaimmaheapmái laktáseaddji eará doaibmabidju lea lága vuostá, sáhttá dahkat sámedikki stivrii njulgengáibádusa maŋimuštá 14 beaivve dan beaivvis, go válgalávdegoddi lea nannen válggaid bohtosa.
Sámedikki stivra ferte gieđahallat njulgengáibádusa hohpolaččat ja maŋimuštá ovdal válgajagi loahpa.
Sámedikki stivrra mearrádussii oažžu ohcat nuppástusa váidimiin alimus hálddahusriektái maŋimuštá 14 beaivve dan beaivvis, go áššáiosolaš lea ožžon sámedikki stivrra mearrádusa diehtun. Muđuid nuppástusohcamis čuvvojuvvo, mii hálddahuslágageavahanlágas ásahuvvo.
Juos válgalávdegotti 1 momeanttas oaivvilduvvon mearrádus dahje doaibmabidju lea leamašan lága vuostá ja dat lea váikkuhan válggaid bohtosii, válggaid bohtosa ferte njulget ja dárbbu mielde stáhtaráđđi mearrida sámedikki áirasiid ja várreáirasiid válggaid njulgejuvvon bohtosa mielde.
Juos válggaid boađus ii leat njulgemis, fertejit mearriduvvot ođđa válggat.
